- 7 -
By de kommisjebehanneling op 27 oktober 1.1. hawwe wy al oanjûn
dat wy de begrutting 1998 meistimme kinne. Nei it betinken fan
D66 mei dy begrutting der wêze! Alhiel as men dy begrutting, as
einbegrutting fan dizze riedsperioade, ôfset tsjin de begrut
ting, dêr't dizze ried mei út ein setten is yn 1994. Doe wie der
sprake fan in mânsk tekoart op 'e begrutting, wêrtroch besunigje
needsaaklik wie. In grut tal beliedsfjilden, weründer it sosjaal
kultureel wurk, stie ünder swiere finansjele druk en der wie
sprake fan in hege lestedruk foar de boarger.
Gelokkich is der yn 'e ôfrûne fjouwer jierren it nedige te'n
goede keard en is der no sprake fan in oar byld. Der leit in
slutende produktebegrutting, mei romte foar ekstra ynvestear-
rings. Op tal fan terreinen is nij belied fêststeld. Der is in
begjin makke mei it op-wurdearjen fan it sosjaal kulturiel wurk.
Der is romte foar in lesteferromming foar de boarger.
In begrutting dus dy't besjen lije kin en dy't it resultaat is
fan 'e mienskiplike ynspannings dy't der yn de ôfrûne jierren
troch boargemaster en wethâlders, de amtlike organisaasje en de
ried dien binne. Ynspannings dy't harren oarsprong fine yn it
riedsprogramma, lykas dat yn 1994 troch dize ried formulearre is
en neier útwurke yn it kolleezjeprogramma 1994-1998. In kollee-
zjeprogramma, dêr't dúdlik de aksinten yn lein binne foar dizze
riedsperioade en dat, nettsjinsteande alles, noch hieltyd de
basis foarmet fan it wurkjen fan dit kolleezje.
It giet net oan om no útlitten de loftrompet te stekken. It kin
lykwols gjin kwea om de befolking der sa út en troch ris op te
wizen dat der ek in soad goed giet yn dizze gemeente en dat der
yn in koarte tiid it nedige berikt is.
Yn 'e kommis je hat D66 oanjûn dat it algemiene byld fan 'e be
grutting goed oanslút by de útkomsten fan 'e behanneling fan 'e
maitiidsnota.
De finansjele húshâlding is wer wat better op oarder;
Der is romte makke foar nij belied, benammen foar it so
sjaal kulturiel wurk;
De lesten foar de boarger binne nei ûnderen bysteld.
Yn de kommis je hawwe wy ek te witten dien dat yn de begrutting
noch wol in tal saken sitte dy't ús omtinken nedich hawwe. Der
is doe wat sein oer "de spanning" tusken it omtinken foar grutte
saken en de gewoane dingen fan âldendei.
Ien fan 'e saken dy't ús omtinken nedich hat is de noed foar it
ûnderwiis. Ut de oanbiedingsbrief moat opmakke wurde dat der op
dit stuit gjin dúdlik byld jûn wurde kin fan 'e gefolgen fan 'e
wizige bekostigingsstruktuer en dat ek gjin folslein byld jûn
wurde kin fan it takomstige finansieringsferlet foar de lokale
ünderwiisakkommodaasjesYn 'e kommisje hawwe wy al oanjûn dat
wy soks slim spitich fine. Temear om't, as gefolch dêrfan, de
boargemaster Thalenskoalle yn Akkrum yn 'e problemen driget te
kommen en it bestjoer fan OSG Sevenwolden ek net wit wêr it oan
ta is. Graach hearre wy fan it kolleezje hoe't it de sitewaasje
oangeande de boargemaster Thalenskoalle tinkt oan te pakken.
Oangeande de OSG is yn de kommisje ek it nedige sein. D66 hat
der begryp foar dat jimme op dit stuit gjin finansjele tasiz-
zings dwaan kinne dy't net dutsen binne.
N0TN0VEM.BER/BS/BV/HUISMANS/7
