- 8 -
in tal komponinten: salariskosten, apparaatskosten en aktiviteitenkos-
ten. Dat hie ek sa yn it konvenant beneamd wurde moatte omt dat oanslút
by it BBI-ynstrumentariumWat wichtiger is is dat de subsydzje jierliks
op grûn fan in jierwurkplan fêststeld wurde moatte soe mei dêr oan kep-
pele in begrutting. De bibleteek hat it goed foarelkoar. Fan de ôfrûne
jierren binne der begruttingen, in 'beliedsnota en jierwurkplannen oer-
lein. Allinne de konkrete fertaling yn eksploitaasje- en aktivasifers
hat de ried nea krige. Dêrneist is in einôfrekkening ek hiel wichtich.
Dizze wichtige eleminten hearre ek yn in konvenant. Under punt 4 fan it
konvenant stiet dat de kolleksje op it hjoeddeistige nivo bliuwe sil.
Mar dat is net it nivo fan 1998 mar fan 1996. Dat steat net dúdlik yn de
tekst. By punt 5 is de marzje yn it tal útlieningen yn Akkrum hiel lyts
en by de bibliobussen sit der hielendal gjin marzje tusken. It jierfer-
slach fan de bibleteek lit sjen dat it tal útlieningen yn de bibliobus
sen yn ferhâlding minder is dan dy yn de útlienpunten. Yn de takomst kin
dit problemen opsmite en de fraach is hoe't dêr mei omgien wurde sil. By
de punten 6 en 7 komt hy in tal ûneigenlike punten tsjin as it giet om
it oanbod en de prestaasjes. Der wurdt praten oer formaasje-oeren, CAO
en priisyndekssifers. Dit hat neat mei prestaasjes te krijen. Hokfoar
priisyndekssifer wurdt der op hokfoar kostenkomponint tapast? Mei de
pvmten 10 en 11 kin syn fraksje ynstimme. Punt 14 (Evaluatie) is net
dúdlik formulearre. Jo soene léze kinne dat as der ôfwikingen binne dy't
it stichtingsbestjoer te ferwiten binne dat net liede sil ta it bystel-
len fan de subsyzje. It is de fraach oft dat de bedoeling west hat. It
giet, tinkt hy, om it net realisearjen kinnen fan de oerienkommen pres
taasjes. Wat dat oanbelanget moat it konvenant nochris goed besjoen wur
de. Syn fraksje kin ynstimme mei de ienmalige bydrage fan f 5000,00 foar
de ynset fan frijwilligers, mei de útwreiding fan de kolleksje foar
f 20.000,00 en mei de friksjekosten fan f 7000,00. Hy kin net ynstimme
mei de friksjekosten foar de CBD. De Kadernota moat oanpast wurde en dêr
kin hy mei ynstimme. Ek de Stichting moat syn beliedsnota 1997-2000 oan-
passe. Hy is nijsgjirrich nei de ófspraken dy't makke binne mei Alde-
boarn en Reduzum. Binne dy ôfspraken oarsaaklik ferbûn oan dit beslút.
Mefrou Veldstra seit dat har fraksje der grutte muoite mei hat dat der
earst net praten is mei de doarpen eart it kolleezje kaam mei in útstel.
Neffens har funksjoneare de útlienposten goed. Wêrom moat dy foarsjen-
ning dan ôfbrutsen wurde? In útlienpost hat in mearwearde tsjin in bi
bliobus oer. In útlienpost hat in sosjale funksje yn it doarp. Dêrom is
in bibliobus in weromgong foar de leefberens yn de doarpen.
De hear Van den Berg seit dat dizze saak al in hiele tiid rint. Utgongs-
punt wie in besuniging fan f 150.000,00 op it bibleteekwurkDêr is in
hiele tiid mei omwraksele. Hy kin him dy wrakseling wol yntinke. As de
besuniging echt realisearre wie dan wie der no allinne noch mar in
jeugdbibliobus west. De bibleteek fan Akkrum en de útlienposten fan Al-
deboarn en Reduzum soene der net mear wêze. Mei dit útstel is dat gelok-
kich net trochgien. Nettsjinsteande de pine foar Aldeboarn en Reduzum
kin der sprutsen wurde fan in behoarlik risseltaat. Tsjin oare gemeenten
oer is it risseltaat ek net gek. Yn dizze sitewaasje is der in Stichting
Bibliotheekwerk Boarnsterhim. Dat is in foarbyld fan it op ôfstân setten
en tichterby de boargers bringen fan it gemeentlike belied. Hy hie him
dan ek yntinke kinnen dat de kommunikaasje mei de boargers mear fia de
Stichting rûn wie. De gemeente stiet dan, omt it om in ynkeaprelaasje
giet, mear op ôfstân. No wurdt der allinne mar sein dat de gemeente it
net goed dien hat. It risseltaat fan de ûnderhannelings is in duorsum
konvenant. De bibleteekfoarsjenning giet net mear nei ûnderen mar eins
omheech. Yn de Kadernota Sosjaal Kulturiel wurk stiet eins de boaiem fan
it foarsjenningenpakket. Spitich dat dat no wol bysteld wurde moat. De
Notl702.doe