- 5 -
Hy seit ta dat it oersjoch fan de klachten weromkeppele wurde sille nei
de riedskommisje. Dizze oerienkomst hat gjin personiele gefolgen. It
personiel hat in oar geskikt plak fûn yn ús organisaasjeDe bylagen
sille noch oan de kommisje útrikt wurde.
Mefrou Santema pleitet derfoar it ophelsysteem sa te hâlden as it no
is, oars giet it bütengebiet der op achterút. Sy miste de bylagen 2 en
3 by de oerienkomst. In recyclingbedriuw is moai, mar der moat ek net
fergetten wurde dat rommelmerken in protte jild opsmite foar it ferie-
ningslibben yn de doarpen.
De hear Postma seit dat yn de oerienkomst stiet dat it húshâldlik ôffal
ien kear wyks ophelle wurde sil, op it skema fan de óffalkalinderAs
it krekt sa as no bart hat dat konsekwinsjes foar de kostenferdielkaai
De hear Van der Meulen seit dat by de begruttingsbehanneling in pear
partijen de hûnebelesting ôfskaffe woene. De fraksje fan de P.v.d.A.
wol no ek dy kant út, dat is moai. It kolleezje sil dit fêst wol mei-
nimme by de begrutting.
De hear Zijlstra seit dat hy tinkt dat minsken dy't hûnebelesting be
tel je der rjocht op hawwe dat der wat mei dat jild dien wurdt oan it
hûnestrontprobleemHy freget oan it kolleezje ris te besjen hoe't dit
probleem oplost wurde kin. In recyclingbedriuw soe goed wêze foar de
wurkgelegenheid
Wethâlder Oosterhof seit dat it ophelsysteem foarearst gelyk bliuwt. As
de grize konteners allegearre útrikt binne, rûn 1 july, sil dochs earst
in skoftke wurke wurde moatte yn de nije sitewaasje, foardat it systeem
feroare wurdt.
De foarsitter seit ta dat der nochris sjoen wurde sil nei de frekwinsje
fan opheljen sa as dat troch de hear Postma nei foaren brocht is.
Dan wurdt der sûnder persoanlike stimming neffens it útstel besletten.
6. Utstel ta it beskikber stellen fan in kredyt foar it oanskaffen fan
grize konteners foar it garjen fan smoargens.
Mefrou Santema seit dat der jûn in histoarysk beslút nommen wurdt. De
jiskepûde wurdt ynruile foar de grize kontener. Sy freget wa't eigener
fan de grize kontener is
Mefrou Veldstra seit dat har fraksje fynt dat goede foarljochting op
syn plak is. Der sil dúdlik makke wurde moatte wat der al en wat der
net yn de kontener mei. In registraasjesysteem mei bygelyks in giele en
reade kaart soe neffens har hiel goed wurkje. Posityf is dat de konte
ners ek brûkber binne foar it Diftarsysteem.
De hear Zijlstra seit dat syn fraksje him ôffreget hoe't de konteners
in goed plak krije kinne yn strjitten dêr't eins gjin plak is, sa as
bygelyks de Paviljoenstraat. Is it kolleezje ree om in oplossing te
sykjen yn oerlis mei de bewenners om it strjitbyld net te bedjerren
troch al dy konteners.
De hear Van der Meulen seit dat dit beslút eins al folie earder nommen
moatten wurde hie. Foar it personiel betsjut dit in hiele ferbettering
Oanslutend by de hear Zijlstra tinkt hy dat in grutte kontener dy't
troch mear minsken brûkt wurde kin miskien in oplossing wêze sil. Is it
ek mooglik dat der lytsere konteners, saneamde duobakken komme?
ried 23 maart 1999/5
