-16 -
De hear Zijlstra seit dat der ek wol hiel faak wurden fan teloarstel-
ling oan it adres fan de fraksje fan it C.D.A. sprutsen kind wurde hie-
ne. It konvenant mei boubedriuw De Jong is op 2 maart 1998 sluten. Doe
wie mefrou Bouma noch gjin wethâlder, mar sy moast wol de óf spraken
neikomme. As der troch it C.D.A. praat wurdt oer it bewust tsjinwurkjen
en it net serieus nommen wurde fan de ried en de hear Smittenberg it
hat oer it net krekt ynformearjen fan de ried dan binne dat swiere wur
den dy't mei opset sin sprutsen wurde. Syn fraksje hat mei wethâlder
Bouma de saken goed bepraten. Sy hat net bewust de ried yn ûnkunde lit-
ten, sy hat net bewust de saak net serieus behannele; sy hat net bewust
de ried net goed ynformearre. De fraksje fan de P.v.d.A. hat betrouwen
yn syn wethâlder. Op dit stuit binne der partijen dy't harren seis hiel
bot ynsetten hawwe foar de Storkhaven, mar dat slagge net. Men koe gjin
oerienstimming mei oare partijen ta stân bringe. Doe't de provinsje Han
dochs mei jild noch oer de brêge kaam stie dat yn de beslutelist fan it
kolleezje. Elts koe it dus witte. No einliks wurdt de beerput op it
Storkterrein oanpakt. Ek it foarige kolleezje wist dat der besunige
wurde moast. De tekening ferskilt yndied fan de tekening by it riedsbe-
slút, mar de nije tekening wie wol oanwêzich by it fan start gean fan
it projekt. Mei de mindere djipte kin syn fraksje wol ynstimme. De dri-
uwende stegers stie "eventueel" by, dus dat wie besprekber. It brief
dêroer jout dúdlikheid genôch. Hy fersiket de wethâlder nei te gean watr
in trailerhelling foar lytsere boaten kostet. Hy tinkt dat dat foatf
minder dan f 15.000,00 kin. De kanosteger is nea earder oer praten. Hy
is benijd nei it antwurd fan de wethâlder. Syn fraksje hat in folslein
betrouwen yn de wethâlder.
Wethâlder Bouma seit dat de driuwende steger bedoeld wie om festivitei
ten yn de havenkom mooglik te meitsjen. Mar as der aktiviteiten organi-
searre wurde dan kin dat ek hiel goed oan de foarkant fan de haven. As
de mooglikheid fan in trailerhelling der is en der is jild foar dan wol
it kolleezje dat wol mei de ried beprate. Yn de kommisjegearkomste fan
27 july binne ek de konsekwinsjes fan in helling op it tekene plak oan-
jûn. De haven is opskood rjochting de Volmawei en as dêr grutte auto's
mei trailers draaie moatte sille grutte ferkearsopstoppingen fan gefol-
gen hawwe. De bedoeling is by de trochbraak nei it wiete bedriuwenter-
rein in trailerhelling te meitsjen. De ried hat yndied it rjocht fan
budzjet. Ek is sy it der mei iens dat der better mei de ried kommuni-
searre wurde moat. It kolleezje wol net in driuwende, mar in fêste ste
ger oanlizze. Omt it wurk op 15 oktober al klear wêze moat, koe net
oars besletten wurde dan al fêst fierder te gean. As de ried graach oer
in trailerhellinkje prate wol kin dêr wol mei de kommisje oer pra
ten wurde op basis fan arguminten. De haven wurdt tagonklik foar minder
valide minsken. Al mei al tinkt sy dat it in hiel moaie haven wurdt,
dêr't in ferskaat oan boaten in plakje fine kin.
De foarsitter konstatearret dat benammen it tredde punt út it inisjaty-
fútstel oer bliuwt. It kolleezje is best ree om mei de kommisje te pra
ten, op basis fan goede arguminten, oer de winsk fan de ried om in
trailerhelling te realisearjen, yn de haven of mooglik op in oar plak.
De hear Van der Baan seit dat syn fraksje akkoart is mei de tasizzing
fan it kolleezje.
De heer Jonkers wil dat er op zeer korte termijn een besluit wordt ge
nomen over de plaats van een trailerhelling.
ried 2109/16
