- 6 -
noch oerlis geande oer de brêge yn de Nauwe Galle. It is him net dúdlik
oft der foldien wurde kin oan alle 5B-betingsten. De keppeling mei it
akwadukt Langdeel wol hy mei dit beslút net lizze. It útstel giet fier
om't der gelyk in kredyt frege wurdt foar it wiete bedriuwenterrein, de
ûntsluting fan de Nauwe Galle en kosten foar tafersjoch en tarieding.
Salang 't de risiko's net oanjûn binne en de urginsje net oanjün is fan
it beskikber stellen fan it kredyt foar de ûntsluting fan it wiete be
driuwenterrein kin syn fraksje net ynstimme mei it útstel. Om de saak
oan gong te hâlden kin hy wol ynstimme mei in kredyt foar de tarie
ding oant it momint fan de oanbesteging. Foar de rest kin it oer twa
moanne wol werom komme yn de kommisje.
De foarsitter slút, letten op de réaksje fan de kolleezjepartijen tydlik de
gearkomste om 21.05 oere foar oerlis
Hy weriepenet de gearkomste om 21.20 oere.
Wethâlder Oosterhof seit dat der yn de kommisje yndied diskusjearre is.
Dêrnei is der yn in besletten gearkomste trochpraat-. De Troanrede hat
neat te krijen mei it ûntwikkeljen fan it wiete bedriuwenterrein. It
kolleezje mient dat de provinsje ferantwurdlik is foar de Steandemêst-
rûte It súdlike part en it wiete bedriuwenterrein leit by de gemeen
te Boarnsterhim. Der is nei de Troanrede noch gjin oerlis west mei de
provinsje. It kredyt fan 8,7 miljoen moat beskikber komme om 't de be-,
stekken foar de twa brêgen klearmakke wurde moatte. Der sit yndie4
spanning yn de planology. It bestimmingsplan Yn Lijte is no goedkard:
Der moat noch in lyts part oan grün oankocht wurde. Foar dit léste part
kin de taksaasje-opdracht hast de doar út. It kolleezje fynt net dat it
beslút foarútskood wurde moat, om 't de oanbestegingen yn oktober
trochgean moatte. It kin neffens it kolleezje net sa wêze dat de keazen
kolleezjeleden troch harren fraksjes net betroud wurde. Hy freget fan
de hiele ried in positive opstelling sa as de fraksjes fan C.D.A. en
D66
De hear Postma seit dat de réaksje nei de kolleezjepartijen ynhâlde soe
dat de net-kolleezjepartijen net wichtich binne.
De foarsitter makket dér ekskúsjes foar.
De hear Postma freget oft de gemeentlike risiko1s ek dutsen wurdt út it
provinsjaal risikofûns. Hy nimt oan dat dat net de bedoeling is fan de
provinsje. Yn it konvenant is wol regele wa't risiko draacht foar hok-
foar part fan de Steandemêst-rüte. Neffens him is de gemeente foar it
súdlike part ferantwurdlik en moat sy ek seis de risiko's drage. Is de
planology no echt regele, komme der gjin ûnwissichheden mear? De wet-
hâlder hat neat sein oer it oerlis dat geande is oer de brêge oer de
Nauwe Galle. Syn fraksje fynt dat de keppeling tusken tarieding en út-
fiering wol útelkoar kin. Oer twa moanne is mear bekend oer in protte
saken. Syn fraksje hat earder steld yn te stimmen mei it trajekt mits
it hiele trajekt yntegraal útfierd wurdt oan de maksimumbedragen ta
sa't dy troch it kolleezje neamd binne. Om net tefolle risiko's te rin-
nen fynt syn fraksje dat hiel hoeden mei dy risiko's omgien wurde moat.
Mefrou Santema wol graach oerlis mei de oare fraksjes.
De hearen Van der Meulen en Zijlstra stypje dit fersyk
De foarsitter slút tydlik de gearkomste om 21.35 oere.
Hy weriepenet de gearkomste om 22.05 oere.
ried 2109/6
