Gemeente BOARNSTERHIM
Notulen fan de gearkomste fan de ried fan de gemeente Boarnsterhim hâlden op
23 novimber 1999 om 20.00 oere yn It Riedshûs yn Grou.
o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o
Oanwêzlch:
Ofwêzich:
Foarsitter
Siktaris
de froulju K. van den Berg-Wiersma, J. Bouma-van den Brink
(wethâlder)R. Santema-Jansma, L. Veldstra-Lantinga en
J.T. Wegman-Koopmans en de hearen F.G. Aukes, J.A. van der
Baan, A. Bijlsma (wethâlder)B. de Jong, H.A. Jonkers, D. van
der Meulen, A.P. Oosterhof (wethâlder)H.G. Postma,
J. Roorda, J.H. Smittenberg en J. Zijlstra.
de hear A.M. de Jager,
de hear Y. Dijkstra,
de hear R.P. van der Starre.
o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o-o
tasizzing)
De foarsitter iepenet de gearkomste en hjit alle oanwêzigen hertlik wolkom.
Hy dielt mei dat de hear De Jager behindere is de gearkomste by te wenjen.
Hy stelt oan'e oarder:
1. Ferkiezing fan de wethâlders.
De hear Zijlstra seit dat it al in goed jier geregeld heakke tusken de
kolleezjefraksjes en it kolleezje. Fjouwer wike lyn gie it dan ek goed
mis. Twa wethâlders stapten op. It is hast net te begripen dat yntegere
minsken dy't it béste mei de gemeente foarhawwe yn sa'n sitewaasje te-
lâne komme. Syn fraksje hat nea twifele oan de oprjochtens en yntegri-
teit fan de oare kolleezjepartijen. Op 26 oktober hawwe de tri je par
tijen witte litten dat de yntinsje der wie om fierder te gean. Der is
hurd wurke om begryp te kweken, ófspraken te meitsjen en saken út te
djipjen. Justermoarn om tsien oere kaam it léste griene ljocht. Yn de
alteraasje dy't doe üntstie wie it slim de foarsitters fan de oare par
tijen mei te dielen dat de lympoging slagge wie. De reaksjes fan dy
partijen kinne lykwols syn optimisme net mear bedjerre. Hy betanket de
oare riedsleden fan de kolleezjefraksjes, de amtlike bystân en oaren sa
as it thúsfront foar de meiwurking en de stipe. Dat yn de takomst it
bestjoer en it amtlik apparaat profyt hawwe meie fan de fruchten fan
dizze stille fjouwer wiken.
Mefrou Santema slút har alhiel oan by de sprutsen wurden.
De hear Van der Baan seit dat syn fraksje bliid is dat der oerienstim-
ming berikt is. De ôfrûne fjouwer wike hawwe de belutsenen oertsjûge
west dat de einstreep helle wurde soe. De wize wêrop der oerlis west
hat tusken de tri je kolleezjefraksjes jout him moed foar de takomst.
Der hat krisis west mar nei syn betinken is Boarnsterhim fersterke út
dizze krisis wei kommen.
ried 23 novimber 1999.doc/l