BOARNSTERHIM
gemeente
notulen
Notulen fan de gearkomste fan de ried fan de gemeente Boarnsterhim hâlden op 16 juny
2003 om 13.30 oere yn it Riedhûs te Grou.
Oanwêzich:
Foarsitter: de hear Y. Dijkstra
Griffier: de hear M. Frensel
De riedsleden:
fan de PvdA: mefrou J. Dekker-Hoogeveen en de hearen J. Roorda, J.R. Soeten, A.J. de
Vries en J. Zijlstra
fan de VVD: mefrou E. Verkerk en de hearen S. Bouma en M. van der Sluis
fan it CDA: de hearen J. Gerbrandij, G. de Jong en D. van der Meulen
fan de FNP: de hearen A. Bijlsma en S.G. Janse
De leden fan it kolleezje fan boargemaster en wethâlders:
mefrou J. Bouma-van den Brink, mefrou K. van den Berg-Wiersma en de hear H.A. Jonkers.
Mei berjocht fan behindering ôfwêzich: de hearen N.Boringa, H.G. Postma, J. Hemminga en
mefrou T.D. Troost-Akkerman (GB).
1. lepenjen.
De foarsitter hjit elkenien fan herte wolkom op dizze waarme middei foar de behanneling
fan de maaitiidsnota. De fraksje fan de GB kin net oanwêzich wêze. De foarsitter freget
omtinken foar de troch GB tastjoerde skôgings, dy't as bylage oan it ferslach taheakke
wurde sille. De hear De Jong (CDA) sil eefkes letter komme. Elke fraksje hat 10 minuten
sprektiid en it kolleezje hat dêr de helte wer fan foar de beäntwurding.
2. Gelegenheid om te sprekken oer punten fan de wurklist foar boargers.
Fan de gelegenheid wurdt gjin gebrûk makke.
3. It fêststellen fan de wurklist.
Janse: Punt 5 graach as B-stik.
Soeten: Krektsa.
De foarsitter: Dêrta wurdt besletten.
4. It behanneljen fan de Maaitiidsnota 2003
De Vries:
"It kolleezje fan Boargemaster en wethâlders hat de maaitiidsnota opsteld. In nota wêryn
de linen útset wurde nei de begrutting 2004. Yn dizze nota hat it kolleezje nije ynsichten,
dntjouwings en ferwachtings fertaald yn konkrete útstellen. It is no ús ferantwurdlikheid,
as folksfertsjinwurdigers fan dizze gemeente, om ús fisy te jaan oer dizze útstellen en
hjiroer besluten te nimmen. De fraksje fan de PvdA hat wraksele mei dizze maaitiidsnota
04. Ferslach 16-06-2003/Fout! Onbekende naam voor documenteigenschap./1