Side 2
By dit hiele proses hat de fertrouwenskommisje him goed begeliede litten om sa yn in ridlik koar-
te termyn sa'n goed byld fan de kandidaten te krijen dat der ek in oardiel oer foarme wurde kin.
Der wiene dus twa kandidaten oerbleaun, dy't neffens de fertrouwenskommisje allebeide de baan
oan kinne en dy't beide nijsgjirrich, útnoegjend en ynspirearjend binne. Doe hat de fertrouwens
kommisje trije saken in wichtige rol spylje litten: wêr komme we wei?, wêr steane we no? En
wêr wolle we hinne? En wat binne dén de beslissende faktoaren. Dan folget in heldere analyze
binnen de fertrouwenskommisje en dy heldere analyze en in goede ôfwaging fan wichtige saken
hawwe deryn resultearre dat de fertrouwenskommisje unanym besletten hat mefrou mr Petronel-
la Schadd-de Boer op nûmer ien fan de foardracht te setten. Sy is berne op 27 oktober 1949 yn
Rheden, is troud, hat fiif bern, politike partij is de PvdA, oplieding Sosjale Akademy en in dokto
raal Nederlânsk Rjocht. Fan 1994 oant 1998 riedslid yn de gemeente Rheden, fanôf 1995 as
fraksjefoarsitter fan de grutste riedsfraksje, fan 1998-2002 wethâlder yn Rheden mei yn de por-
tefúlje wolwêzen, folkssûnens en sosjale saken en fan 2002 oant no wethâlder yn Rheden mei de
portefúijes romtelike oardering, finânsjes, grûnsaken en it projekt "Hart fan Dieren" .Sy hat ek in
tal moannen, fanwegen in fakatuere yn 2004, loko-boargemaster west yn Rheden. Njonkenfunk-
sje; fan 1990 oant no ta advokaat en fanôf 1994 hat sy in eigen praktyk. Yn it riedsfoarstel stiet
it folgjende: de bestjoersstilen "netwurker", "koersbepaler" en de kompetinsjes fleksibel gedrach,
sinjaalgefoelichheid, transparânsjefermogen, empatysk fermogen, diedkracht en fisy útdrage bin
ne de kwaliteiten dy't yn de profylskets opnommen binne. Mefrou Schadd-de Boer hat oangean-
de dizze kompetinsjes blyk jûn dêroer te beskikken. Mefrou Schadd-de Boer komt oer as in ynte-
ger bestjoerder, fleksibel wêr nedich om it beëage resultaat te heljen. Diedkracht en fisy binne yn
romme mjitte oanwêzich. Sy lit persoanlike belutsenheid sjen mei in goed gefoel foar it saaklik-
ynhâldlike: in stevige diskusjepartner dy't oan har stânpunten fêsthâldt sûnder dêrby de rjocht-
feardichheid út it each te ferliezen. Mefrou Schadd-de Boer hat har presintearre as in lykwichtich
persoan. De ried sjocht yn har in krachtige foarsitter dy't sawol it kolleezje as de ried op de krek-
te koers sette en hâlde kin. Har wize fan wurkjen sil by de ferskate geledingen binnen de ge-
meentelike organisaasje, mar ek dêrbûten, fertrouwen wekke. Binend fermogen en oertsjû-
gingskracht binne kwaliteiten dêr't sy oer beskikt. Sjoen de ambysjes fan de gemeente Boarn-
sterhim wurdt socht nei in boargemaster dy't in polityk-bestjoerlik klimaat kreëarret dêr't krach-
tich en konsistint yn gearwurke wurdt. De ried is fan miening dat mei mefrou Schadd-de Boer
dizze boargemaster fûn is. De fertrouwenskommisje is klear en de ried is klear. Der is socht nei
de béste boargemaster en dy is dan ek fûn. De ried hat besletten en no is it oan oaren om op ús
wurk in kroan te setten en ta beneaming oer te gean. Mei de passive behearsking fan it Frysk
komt it goed mei mefrou Schadd-de Boer. Har tasizzing oan de fertrouwenskommisje om har ek
ynspanne te wollen om it Frysk te sprekken jout de oertsjûging dat op net al te lange termyn de
earste foarsichtige resultaten dêrfan sjoen wurde kinne. Mefrou Schadd-de Boer hêldt fan oan-
pakken, dêrfan hat se de ried oertsjûge. Mar se hêldt dêrby each foar har omjouwing, harket nei
minsken, stjoert by as dat moat, stipet minsken as dat nedich is, makket saken helder, sil ek
saaklik en beslútfeardich wêze en is by steat om ried en kolleezje op koers te setten en te hélden.
In waarme, sympatike en yntelliginte frou, die goed past by it karakter fan ús gemeente en har
ynwenners. De ried hat der alle fertrouwen yn dat mefrou Schadd-de Boer de hege ferwachtings
fan de fertrouwenskommisje en de ried wiermeitsje sil. Hy winsket hat op dit stuit en op dit plak
út namme fan de ried alle sukses ta.
De hear Roorda (PvdA): seit dat syn fraksje tige ynnommen is mei de foardracht. Ek it flugge en
gedegen wurk fan de fertrouwenskommisje hat de wurdearring fan syn fraksje. Der is in profyl
skets opsteld mei nochal wat winsken. Hy begrypt dat mefrou Schadd-de Boer dêr yn romme
mjitte oan foldocht. De foarútsichten lykje hiel goed. Hy fertrout dan ek op de komst fan in goede
boargemaster.
De voorzitter concludeert dat de raad conform het voorstel heeft besloten.
04. ferslach 03022005/absh/2
