moat in goede foarm fan gearwurking wêze en men moat wurkje oan in oare kultuer. Der sil in in
ienheid wêze moatte tusken ried en kolleezje en binnen de ried, dy't stjoere kin op haadlinen.
No't der in kolleezje komt mei twa wethâlders fan de PVDA en ien fan it CDA sil alles by âlde
bliuwe. Fan alle amendeminten en moasjes fan de FNP yn de foarige riedsperioade is hast neat
oernommen.
It is de FNP nea dúdlik wurden hoefolle wethâlders der komme soenen. Sy sitearret út de rappor-
taazje fan de formateur (side 2, punt g). De FNP hat de formateur faak frege hoefolle wethâlders
der komme soenen en oft it om folsleine posten gie. Dy dúdlikheid woe de FNP wol foar har kan
didaten hawwe, dy't der binnen de FNP wiene, sawol foar de hurde sektor as de sêfte sektor.
Koe of woe men net in team foarmje mei in man of frou fan bûten de gemeentegrinzen?
De amtlike organisaasje sit krekt yn in proses fan reorganisaasje, en der moat 540.000 euro be-
sunige en no soene der trije folsleine wethâlders komme moatte. Neffens de takendiskusje soe de
nije ried fierder gean mei twa wethâlders. Men soe earst alle rinnende saken ôfmeitsje. Men wit
net wat de kwaliteiten fan de nije wethâlders binne. De FNP hat syn eigen kandidaten wol toetst.
In wethâlder moat ek ynhâldlike kwaliteiten hawwe. De FNP hat ferskate kearen frege om oeriis
mei de beide oare partijen om har te befreegjen op de kwaliteiten fan de kandidaat-wethâlders,
mar de formateur hat de boat ôfhâlden. Der hawwe de FNP gjin sinjalen berikt en men wit net oft
de kandidaten genôch geskikte eigenskippen (stabiliteit, ûnderfining mei bestjoer, beskikking oer
netwurk, finansjeel ynsjoch, ensfh.) hienen en dêrom koe de FNP gjin ynstimming jaan. De FNP
stie in soarchfâldige foarming fan it kolleezje foar en fynt dit in miste kâns foar Boarnsterhim. Der
waard fan har easke om direkt de namme fan de kandidaat foar de gearkomste te neamen en dat
woe de FNP net. Soks docht men by in boargemasterbeneaming ek net. As men wis west hie fan
dielname oan it kolleezje en it fertrouwen yn de formateur hân hie dan hie de FNP har oars op-
steld. De formateur is it net slagge om de opdracht fan de ynformateur ta in goed ein te bringen.
Wie de formateur berekkene foar syn taak om partijen te binen? De FNP-fraksje woe kolleezjefer-
antwurdlikheid drage mar krige de earlike kâns der net ta.
De hear Van der Meulen (CDA): Hy hat in hiel oar gefoel oer it wurk fan de formateur. It CDA
wol syn wurdearring útsprekke foar it wurk fan de formateur en ynformateur. Hy wol ek syn
wurdearring útsprekke foar de hâlding fan de PvdA. Dat hat bliken dien by it foarstel om mei trije
wethâlders út trije partijen in kolleezje te foarmjen. Hy snapt net hoe't it kin dat de FNP him it
goud út hannen gliidzje litten hat. It CDA hat al foar de ferkiezingen sein dat men der twifels oer
hie oft men it wurk wol mei twa wethâlders oan koe. Dêrfoar leit der te folie wurk te wachtsjen.
Hy sjocht de kommende perioade as in oergongsperioade en mei it kiezen foar trije wethâlders
wol men ek oanjaan dat men de bestjoerlike ferantwurdlikheid serieus nimt. It CDA hat betrou
wen yn de kandidaten fan de PvdA en hy sjocht de kommende perioade mei betrouwen temjitte.
De hear Bouma (VVD): De ferkiezings wiene net geunstich foar de VVD. It soe miskyn wol goed
wêze om foar wethâlders krektsa as by in boargemaster in profylskets op te stellen. Nije wethâl-
ders út in pool soe neffens him ek in goede opsje wêze. It fernuveret de VVD dat der trije wet-
hâlders komme. Ferantwurdlikheden kinne ek by it amtlik apparaat lizze en foar guon saken is der
al in protte foarwurk dien. De finansjele posysje freget om in effisjinte ynfolling fan taken. Op it
amtlik apparaat wurdt besunige en wêrom besiket men it dan net mei twa wethâlders? De boar
gemaster soe gjin swiere portefúljes derby nimme neffens de website fan de PvdA. Der lizze nef
fens de VVD wol taken foar de boargemaster dy't yn in kolleezje mei twa wethâlders útfierd
wurde kinne. Men wit de útkomst fan de jierrekken 2005 noch net en men soe it earst mei twa
wethâlders besykje kinne.
De hear Hemminga (GB): 'Leidraad is het vertrouwen.' GB ûnderskriuwt de útgongspunten. De
foarkar fan GB giet út nei twa wethâlders fan buten de ried: men hat gjin ferline yn de ried, der is
genôch kar, de persoanlike ambysjes wurde ûndergeskikt makke oan gemeentebelang en it'kreëa-
ret makliker in breed draachflak yn de ried en it past better by it dualisme. Fan in wethâlder wur-
Pagina 7
05 ferslach 11-04-2006/absh/7