3.5 Foarstel om frijstelling artikel 19 lid 1 WRO te ferlienen foar it realisearjen fan in
bedriuwswente mei kantoar en dêrbyhearrende tún op it perseel pleatslik bekend Yn 'e Lijte, oan
'e súd-eastkant fan de tagongsbrêge nei it rekreaasjeterrein, kadastraal bekend gemeente Grou,
seksje C, nûmer 1721
De hear Selderirust (FNP): De FNP hat op himsels net safolle tsjin it foarstel. Hy fynt it nuver dat
it wetter oan de Steande Mêst-rûte ferkocht wurdt. It wetter fersmellet en hoefolle romte bliuwt
der no oer tusken it eigendom fan de bewenner en de oare kant?
De hear Van der Sluis (VVD): De VVD hat gjin beswier tsjin it foarstel. De oanfraach is fan
septimber 2005. Wêrom moat it sa lang duorje?
De hear Hemminga (GB): Is it net in hiel grut terrein foar ien wenning? Hoe sit it mei
permaninte/rekreative bewenning?
Mefrou Esser (PvdA): Wurdt de rekreaasjewente no as tsjinstwenning brûkt? It is net dúdlik
hoefolle der no foar de tún oer bliuwt. Sy nimt oan dat it oangeande de kante meters foldocht
oan it bestimmingsplan. Koe der net in gearfetting by? Hoe sit it mei de oare eigner? Wennet dy
ek yn in rekreaasjewente?
Wethâlder Minkes: De oanfraach is fan 26 septimber 2005. Sy hat it antwurd net paraat wat der
oant maaie 2006 bard is. Dy fraach sil skriftlik beäntwurde wurde. Oer fragen oer it bouplan kin
men by de amtner terjochte. Dat jildt ek foar de romtlike Onderbouwing. It kostet in protte jild en
tiid om soks allegearre mei te stjoeren. Der binne twa bedriuwswenten, dy't permanint bewenne
wurde. Der moat ien ynlevere wurde.
Wethâlder De Vries: It wetter moat baggere wurde en dan wurdt it wer oerdroegen oan de
provinsje. It kolleezje siket út oft der yndied wetter ferkocht wurdt.
Twadde termyn
Mefrou Esser (PvdA): It soe foar de amtner net sa lestich wêze moatte om ien en oar goed op in
kaartsje oan te jaan. Hoe sit it mei de oare eigner?
De hear Hemminga (GB): Der wie neffens de wethâlder romte foar twa bedriuwswenten. Sit dat
yn de telling foar permaninte bewenne wenningen? Dat hat mei de kontinginten fan dwaan.
De hear Seldenrust (FNP): Wachtet it antwurd fan de hear De Vries of. Op it kaartsje wurdt in
stik fan it wetter ôfsnijd. Is de trochfeartbreedte dêr noch wol 25/30m.?
De hear Zijlstra (CDA): Neffens him is it wetter no al eigendom fan de oanfreger.
Wethâlder Minkes: It giet net op kosten fan de kontinginten. De iene permanint bewenne
rekreaasjewente wurdt der úthelle. Sy siteart de foarwearde: 'Tegelijkertijd met het verlenen van
de vrijstelling voor de nieuw te bouwen bedrijfswoning zal de vrijstelling voor het gebruik van de
recreatiewoning of dienstwoning worden ingetrokken.' It tastjoeren fan alle ynformaasje oer
bygelyks romtelike Onderbouwing en argeologysk Ondersyk ferget in protte tiid. Sy jout ta dat it
kaartsje yndied net botte dúdlik is.
Mefrou Esser (PvdA): It giet har om in gearfetting.
De foarsitter: As B-stik nei de ried.
Pagina 7
ferslach 19092006/absh/7