Ryk út is weromlutsen. In fúzje is dêrom op dit momint in stasjon te fier. Men hat wol in protte
fan inoar leare kinnen.
Mefrou Veldstra (FNP): Op 15 novimber is der in gearkomste foar gemeenten oer it Onderwerp
'Frysk yn de gemeenten' op de Jouwer. Mei guon gemeenten sil de Deputearre in
yntinsjeferklearring Frysk taalbelied tekenje. Is de wethâlder dêr ek en sil er de
yntinsjeferklearring ek ûndertekenje
Wethâlder De Vries: Seit dat ta.
Mefrou Veldstra (FNP): It bûtengebiet is net altyd goed berikber. De ambulânse is troch it
navigaasjesysteem gauris te let. Sy neamt in foarbyld hoe't in situaasje yn it Leechlân ferkeard
ôfrûn. It frachtferkear nimt faak troch it navigaasjesysteem ek in rûte dêr't de bewenners fan it
bûtengebiet en yn de doarpen net bliid mei binne. Kin it kolleezje de tûkelteammen datoangeande
ris ûndersykje?
Wethâlder Van der Meulen: It is in tryste konstatearring. It kolleezje kin net sa maklik de gatten
yn it navigaasjesysteem tichtsje. It hat lanlik ek de oandacht. As men fan sokke gatten wit, dan
graach kontakt mei de gemeente opnimme foar oerlis mei de helptsjinsten.
De hear Seldenrust (FNP): Yn de folder fan de Alde Feanen wurdt skreaun: 'De projectbegroting
laat een investeringstotaal zien van 4,8 miljoen. De financiering van dit bedrag is nog niet geheel
rond. De toezeggingen van de gemeenten Tytsjerksteradiel, Smellingerlân en Boarnsterhim
hebben helaas vertragingen opgelopen in verband met de verkiezingen.' It giet him benammen
om de tasizzing fan de gemeenten. De diene tasizzing bliek ek út de wurden fan de hear
Miedema as foarsitter fan de Alde Feanen. De wethâlders De Vries en Minkes hawwe sein dat
der gjin tasizzings wienen. De fraach nei jild wie wol bekend, mar dat soe trochskood wurde nei
de foarjiersnota fan 2007. Men wol lykwols mei de bou fan it besikerssintrum noch dit jier út ein
sette. Hy hat de saak nochris by de foarsitter hifke. De tasizzing is neffens de foarsitter troch it
foarige kolleezje wol dien.
Hoe komt dat der skreaun en sein is dat der tasizzings dien binne wylst de beide wethâlders dat
stellich ûntkenne? As it net wier is wêrom hawwe de wethâlders der fuort net op agearre?
Wêrom dan trochskowe nei foarjier 2007 as der tasizzingen dien binne? As der gjin tasizzingen
dien binne, hoe komt it dan mei de bou fan it besikerssintrum? Hokker gefolgen kin dat hawwe
foar de relaasje tusken de gemeente Boarnsterhim en de Alde Feanen? Wurdt der troch it
kolleezje ek aksje op ûndernommen? En wannear wurdt de gemeenteried fan de stân fan saken
op 'e hichte brocht?
Wethâlder De Vries: Der hat yn de simmer in petear west mei de Alde Feanen west. Der hawwe
gjin tasizzings west troch it eardere kolleezje oan it park. De gemeente Boarnsterhim hat wol in
positive yntinsje sjen litten. As der neffens de nije foarsitter in oare werklikheid is dan soe hy dat
graach sjen wolle.
De hear Seldenrust (FNP): De wethâlder hat heare kinnen wat de hear Miedema ferkundige hat en
dat is net oars as dat wat yn de folder stiet.
Wethâlder De Vries: De provinsje woe earst sjen wat de yntinsjes fan de trije gemeenten wienen
en men hat dêrta de kolleezjes rieplachte. De yntegrale ôfwaging sil komme by de maaitiidsnota,
want dêr leit de ferantwurdlikheid fan de ried. De yntinsje fan it kolleezje is bekend en der is gjin
belemmering foar de provinsje om 2,1 miljoen beskikber te stellen. Hy snapt net wat foar
negative gefolgen it hawwe kin foar de relaasje tusken de Alde Feanen en de gemeente
Boarnsterhim.
Pagina 11
1 03 ferslach 17102006/absh/11