Pagina 13
De hear Hemminga (GB): Is bliid dat de rânebetingst nei de bewenners ta dúdliker steld wurdt. It
giet om kwaliteit nei minsken en foarsjenningen ta. Yn senario 5 is de posysje fan de camping al-
linne mar op koarte termyn garandearre. Foar de takomst wurdt it fuortskood en dat elemint
moat der út. Tusken Meinesleat en Boarnstee moat der gelegenheid wêze om oan te lizzen en
fierder moat it iepen karakter fan it lânskip behâlden bliuwe.
Mefrou Dekker. (PvdA): It giet de PvdA ek om de kwaliteit en de útstrieling nei it doarp ta. Dat
hat effekten en dat hat it doarp nedich.
De hear Van der Sluis (VVD): De twa sprekkers wize earst op de kwaliteit en sette it jild op it
twadde plak. Oan wat foar ferskil yn jild tinkt men dan?
Mefrou Dekker (PvdA): It giet no earst net oer it jild, mar oer de kwaliteit fan it gebiet.
De hear Seldenrust (FNP): Hy mist de mooglike opsje dy't de hierders yn de persoan fan de hear
Aupers nei foaren brocht hawwe. En dat jildt ek fan de mooglike ynbring fan de eigners. Dat mist
er ek yn de senario's. Dêr soe er noch wat mear oer witte wolle.
De hear De Visser is gâns positiver oer de fytspaden as hysels.
Wethâlder De Vries: Men moat each hawwe foar it behâld fan it iepen lânskip. Hy wol net
foarútrinne op de plannen fan de hierders. Dat moat foar de lange termyn besjoen wurde. De fra-
gen fan de ynsprekker wienen mear oan de ried rjochte.
De hear Seldenrust (FNP): De ried hat earder de ynsprekker heard yn kommisjeferbân en hy mist
dat yn de senario's.
Wethâlder De Vries: Dat is neffens him it béste fertaald yn senario 1De ried hat net frege nei de
rjochten op earste keap en dêrom is hy der ek net op yngongen. Hy sjocht ek mear mooglikheden
yn senario 5 om dy partij derby te belûken. Men moat soargje foar in maksimale kwaliteit en in
maksimaal finansjeel resultaat. Hy is bliid mei de rjochting dy't de ried oanjûn hat.
De foarsitter: Het college komt terug naar de raad met een voorstel waarin rekening gehouden
wordt met de belangen van de gebruikers, met een kwalitative goede inrichting van het terrein en
een maximale opbrengst van de grond.
3.6 Gelegenheid foar riedsleden om fragen te stellen
Mefrou Jonkman (FNP): Der is in plan foar fytspaden by Suderbuorren. Miskien is der ek mear te
dwaan foar de fytspaden yn Boarnsterhim mei de fytsnota fan de provinsje.
Wethâlder Van der Meulen: Der wurdt hurd oan wurke. Foar de maaitiidsnota 2007 leit der in
foarstel by de ried.
Mefrou Jonkman (FNP): It moat wol yn 2007 los.
Wethâlder Van der Meulen: Men kin net earder jild freegje as by de maaitiidsnota. It hat te
meitsjen mei eigners en mei rânebetingsten. Men soe eventueel yn 2007 loskinne as de ried der
jild foar frijmeitsje wol.
De foarsitter: Mefrou Jonkman nimt ôfskied fan de ried fan Boarnsterhim. Sy hat der muoite mei
om as riedslid te stopjen mar yn ferbân mei de nije baan fan har man is it net mear goed te kom-
binearen mei de soarch foar de húshâlding mei twa lytse bern. Yn 2002-2006 wie mefrou Jonk
man lid fan de kommisje BMM. Doe binne ek de beide bern berne. Dêrfoar wie se al bestjoerslid
ferslach 19-12-2006/absh/13
