Wethâlder De Vries: Men hat it saaklik besjoen. It gie foarhinne foar in tige 'skaplike' priis. Men
hat nei de omlizzende gemeenten sjoen en dêrby foar in stevige priis keazen. De priis by lettere
ferkeap fan it hûs sil dy foar de kante meterpriis foar de kavel wêze. Men krijt no folie minder
diskusje oer ferskillende prizen. De minsken kinne hiere of keapje. Men sil ôfwachtsje moatte
hoe't de ferkeap ferrint. Yn dit jier hat men foar sa'n 25 oant 30 tûzen euro ferkocht. Dat hie mei
de nije prizen twa kear sa heech west. De priis past by de prizen foar de grûn op dit momint. Hy
giet derfan út dat der foar de amtners yn it nije systeem ek minder wurk mei anneks is en dat it
netto mear jild opbringt.
De hear Zijlstra (CDA): Bringt it mear op as neffens it systeem fan de hear Van der Woude?
Wethâlder De Vries: Der leit no in helder systeem fia de 3 earste punten en der is de mooglikheid
dat it kolleezje oan in ôfwikende priis tinke moat (punt 5). Men besiket fia de ynventarisaasje de
léste hoeken yn byld te bringen. As dat klear is dan komt it nei de ried ta. It giet meastentiids om
gewoan iepenbier grien dat grinzet oan de kavels fan de bewenners. Der wurdt faak oerlein mei
de PB'en.
Twadde termyn
De hear Seldenrust (FNP): Hoe sit it mei de tekeningen út it beslút út 1998?
Wethâlder De Vries: Hy wol dy by de nota oer it snippergrien derby lizze.
De hear Hemminga (GB): Men hat it altyd oer de kostendekkendheid. Wat is de echte mearop-
bringst bûten de echte priis? Wat foar ferhâldingen sitte der dus yn de koste-opbou?
De hear Seldenrust (FNP): Is it mei it léste iens. Neist de lesteferheging krijt de bewenner no mei
hegere oankeapkosten foar iepenbier grien te meitsjen.
De hear Van der Woude (PvdA): Hy heart te min dat op 'e dei dat de boarger de grûn keapet, dat
syn kavel dan mear wurdich wurdt. Hy wiist derop dat de ferheging fan de ûnreplikgoedbelesting
úteinlik noch wat tafallen is.
De hear Hemminga (GB): Hy is it mei it léste net iens; dan moat men ek nei de taksaasjes sjen.
De hear Riemersma (FNP): Hy krijt de yndruk dat de hear Van der Woude it snippergrien foar de
kante meterpriis fan de kavel ferkeapje wol.
Wethâlder De Vries: It kolleezje wol de bewenners 'gerieve'. Men kin mooglik in stikje derby ke
apje. De ried wol oars graach dat it kolleezje wat saakliker operearret. Fansels wurde der kosten
makke yn de organisaasje, mar der wurdt ek besparre op grienûnderhâld.
Mefrou Dekker (PvdA): Wat is it maksimum fan in reststrook?
De hear Hemminga (GB): Hoe ferhéldt de priis him ta in taksaasje?
Wethélder De Vries: Sa n oersicht hat er net paraat. De 34 euro wie op grûn fan taksaasjes te
leech. Yn de nota oer it snippergrien komme de kritearia oer O.o. it maksimum fan in reststrook
dúdliker oan bod.
De foarsitter: As B-stik nei de ried.
Pagina 8
1 03 Ferslach riedsgearkomste 13 maaie 2008/odab/8
