kieze kin wêr't it hinne wol. Dizze tendins hat him yn de léste ynspraakrûnte noch wer trochset. Yn
de Mid-Frieslander fan hjoed stiet: De Lege Geaën ferdiele seis. Mar sa wurket it net, seit de
sprekker. De rie moat beslute oer in weryndieling foar de hiele gemeente. Yn de ynspraakreaksjes
en enkêtes dy't holden binne fait op dat der in soad gefoelsmjittige arguminten binne. Mar by in
keuze moatte je je net altyd troch it gefoel liede litte, want it ferstân moat foarop. Der wurdt praat
oer ferûnderstellings, lykas de finansjele problemen fan It Hearrenfean en it Saailân-projekt yn
Ljouwert, krekt of soe dat sa'n grut finansjeel probleem wêze dat se Boarnsterhim der net by ha
kinne. En der wurdt sein dat de finansjele posysje fan Skarsterlân wol goed is, mar dér moatte je je
noch mar 's yn ferdjipje. Der wurdt sein dat in grutte stêd net mei syn plattelân omgean kin.
Ljouwert hat net safolle plattelân, mar It Hearrenfean hat wol in protte plattelân, krekt as
Skarsterlân. Terherne hat in ludike aksje fierd en dér siet humor yn, mar GB2000 hat net safolle
wurdearring foar it optreden fan de boargemaster fan Skarsterlân. Hy ûntfong mei it amtsketting
om de Ternhernsters en joech der sa in offisjeel tintsje oan. Dat past him net, fynt GB2000. De
fraksje is benijd hoe't de boargemaster reagearje soe op in selde fersyk fan Haskerdiken en
Nijebrêge, dy't oanslute wolle by It Hearrenfean. It kolleezje fan Tytsjerksteradiel hat al tige aktyf
yn Warten west. De buorgemeenten moatte har net bemuoie mei it ynterne ynspraakproses fan
Boarnsterhim, fynt de fraksje. It punt fan de grinskorreksjes wurdt hieltyd ynfolle sûnder dat we f
te foaren eksakt wisten wat de mooglikheden binne. De wet ARHI en de keamerfragen oer it
fernijde beliedskader foar de weryndieling jouwe oan dat in grinskorreksje los stiet fan weryndieling.
At in gemeente it beslút nommen hat om opheven te wurden, dan kinne je gjin grinskorreksjes mear
tapasse. De 10%-regeling is ek in probleem foar Boarnsterhim. Dér komme je al gau oerhinne. Dat
kin allinnich at je mei óf- of taname fan it ynwennertal grinskorreksjes tapasse wolle, mar it stiet
bûten in weryndielingsfoarstel. Hoe moatte we mei de ynspraakreaksjes omgean? Yn it
weryndielingsfoarstel is gjin romte foar grinskorreksjes, mar der binne seker arguminten oanfierd
dy't serieus nommen wurde moatte. GB2000 tinkt dat it kolleezje hjirmei oan de slach moat, yn
diskusje mei de provinsje om te ûndersykjen hoe't it nei it weryndielingsbeslút fan 30 novimber
temjitte kommen wurde kin oan in tal winsken fan guon doarpen oer grinskorreksjes. Weryndiele yn
trije parten is folie komplekser. GB2000 is fan plan om op 30 novimber mei in moasje hjiroer te
kommen. Foar de fraksje is yn it hiele proses ien wichtich betingst: de weryndieling moat plakfine
mei yngong fan 1 jannewaris 2014. At we dizze datum yn gefaar bringe, dan dogge we de
ynwenners fan Boarnsterhim tekoart, fynt de fraksje, mei it each op de trochrinnende lesteferheging
as ek de beheining fan de foarsjennings. It beslút ta weryndieling moat ek op stipe rekkenje kinne
fan provinsje en Ryk.
De hear Zijlstra merkt - by ynterrupsje - op dat je beslute kinne om nei in weryndieling de n
gemeente te freegjen om grinskorreksjes ta te passen en dat je dér de provinsje ek noch om freegje
kinne. Kin de hear Hemminga him foarstelle dat der ek foar de weryndieling in grinskorreksje tapast
wurdt?
De hear Hemminga seit dat dat formeel ûnmooglik is. Wy ha al it beslút naam dat dizze gemeente
opheven wurdt en dan kinne je gjin grinskorreksjes mear trochfiere. It hie moai west dat we yn it
begjin witten hienen dat dat net kin, want dan hie de diskusje simpeler west.
Mevrouw Rozema merkt op dat gezegd is dat grenscorrecties geen optie zijn. We hebben het echter
over een herindeling. Is herindeling in meer stukken dan twee dan misschien wel een optie, want
dan is er geen sprake van grenscorrecties.
De hear Hemminga seit dat by de gemeentlike tafoegings de provinsje ek in rol hat. Dat is in folie
simpeler proseduere dan wannear't je dat yn in weryndielingsfoarstel meinimme. By in weryndieling
moatte de oanbelangjende gemeenten opheven wurde en dan kinne je nije grinzen fêststelle, mar
we kinne no net stikken derôf helje en tafoege.
Mevrouw Rozema leest voor: gemeente A wordt opgeheven. Het grondgebied van A wordt in zijn
geheel of in gesplitste delen tegelijkertijd in één respectievelijk in meer gemeenten B, C, D, enz.
toegevoegd. De gemeenten waar het grondgebied van gemeente A wordt toegevoegd worden niet
opgeheven.
De hear Hemminga seit dat de proseduere folie yngewikkelder en komplekser is at je sa'n
weryndieling yn meardere dielen dogge. Hy wol graach dat it kolleezje hjir in dúdlike fisy op jout.
Pagina 6
