BOARNSTERHIM
Griffie
Ferslach fan de gearkomste fan de ried fan de gemeente Boarnsterhim hâlden op tiisdei 30
novimber 2010 om 20.00 oere yn de Riedseal fan it gemeentehûs oan de J.W. de Visserwei 10 te
Grou
Oanwêzich:
Foarsitter: de hear T. Baas
Griffier: de hear A.G.M. Rutten
GB2000: de hearen J.R. Galama, J. Hemminga, P.T.L. Jonker en S. van der Meer
PvdA: mefrou P.M. Esser en de hearen R. van der Woude en T. de Boer
FNP: mefrou L. Veldstra-Lantinga en de hearen S.S. Posthumus en W. Witteveen
VVD: de hearen S. Bouma en M. van der Sluis (fice-foarsitter)
CDA: mefrou A. Meinderts-Goinga en de hear J.S. Zijlstra
D66: mefrou A.W. Nugteren-Schell en de hear M. Frensel
GroenLinks: mefrou G. Rozema
It kolleezje fan boargemaster en wethâlders:
De wethâlders de hear F.A.J.M. van Beek, mefrou H.J. de Haan-Laagland en mefrou M.A.J. Jager-
Wöltgens, gemeentesiktaris de hear G. Heeringa
Publike tribune: 110 persoanen
1. ALGEMIEN
1. 1 lepenje
De foarsitter iepenet de gearkomste en hjit elkenien hertlik wolkom.
1.2 Fêstste/len fan de bes/ute/ist en it ferslach fan 9 novimber 2010
De beslutelist en it ferslach wurde sûnder wizigings fêststeld.
1.3 Ynkommen stikken
De ynkommen stikken wurde foar kundskip oannaam.
2. BESLUTFOARMJEND
2.1 Foarstel oangeande weryndieling Gemeente Boarnsterhim
Burgemeester Baas heeft dit onderwerp in portefeuille en geeft daarom de voorzittershamer over
aan de vice-voorzitter van de raad, de heer Van der Sluis.
De hear Van der Sluis jout oan by de partijen lâns te gean nei folchoarder fan it tal stimmen dy't se
krigen ha mei de léste ferkiezings.
De hear Hemminga merkt op dat we al in soad ynspraakjûnen hân ha. De diskusje is in jier lyn
begûn oer it fuortbestean fan dizze gemeente. Dêrby is net folie omtinken bestege oer takomstige
ûntwikkelings yn bestjoerlik Fryslân. Neffens GB2000 is dit net de léste ronde oer weryndieling of
werskikkings yn de provinsje. It is goed mooglik dat der yn de takomst mar seis of sân gemeente
oerbliuwe yn Fryslân. GB200 beoardielt it foarstel fanút dat takomstperspektyf. Ut de rapporten
blykt in foarkar fan noard-súd, noard nei Ljouwert en súd nei It Hearrenfean. De simpelste en
finansjeel geunstichste oplossing foar de boarger soe oansluting by ien gemeente wêze. Dat soe
dan Ljouwert wêze kinne. Dit alternatyf is yn de rapporten ûnderbeljochte bleaun. It neidiel fan
dizze opsje is dat de rie fan Boarnsterhim dan gjin ynfloed mear hat op it fierdere proses mei
eventuele keuzes fan doarpen. GB2000 fynt dat wy as rie sa lang mooglik ús ynfloed jilde litte
moatte. De helderheid oer de wetlike mooglikheden en de beliedsútspraken fan it ministearje en
parlemint oer weryndielings kaam let. Der is in soad praat oer grinskorreksjes. It die úteinlik bliken
dat dat net de gongbere wei is. Doarpen ha frij filosofearre oer nei hokker gemeente se woenen. It