De Friese Meren, de realisearre gemeente Sudwest-Fryslan, de splitsing fan Boarnsterhim en de
ütspraken fan de Kommisje fan Wizen twinge It Hearrenfean in fisy te formulearjen op syn
posysje. Yn de riedsgearkomste fan 18 novimber 2010 stelde It Hearrenfean trije
weryndielingsfarianten foar syn gemeente fêst. De weryndieling fan Boarnsterhim-Süd makke
diel üt fan alle farianten. Yn it riedsfoarstel ferwurdet It Hearrenfean de positive grünhalding sa:
"Lykas wy dat krektlyn oan de pleatslik belangen fan Boarnsterhim-Süd ütleinen, binne dizze
doarpen mear as wolkom yn It Hearrenfean. De toeristyske potinsje fan de doarpen is mar ien
fan de redenen wêrom't tafoeging foar It Hearrenfean winsklik is. Ek de kultuerhistoarje en de
agraryske en ekonomyske sektoaren fan Boarnsterhim-Süd slute nau oan by It Hearrenfean. It is
lykwols oan de rie fan Boarnsterhim om hjir in öfweaging oer te meitsjen. Mei belangstelling
wachtet it kolleezje fan It Hearrenfean dêrom de beslutfoarming yn Boarnsterhim of."
Yn de maityd fan 2010 fierde It Hearrenfean bestjoerlike petearen mei in öffeardiging fan it
kolleezje fan Boarnsterhim. De winsk fan rie en befolking yn Boarnsterhim-Süd om dit part fan
it grüngebiet fan Boarnsterhim ta te heakjen oan It Hearrenfean wie Onderwerp fan petear. Op
fersyk fan Boarnsterhim stelde It Hearrenfean dêrnei in position paper op, dat op 1 juny 2010
troch it kolleezje fan It Hearrenfean fêststeld waard.
Op 22 maart 2011 is de rie fan It Hearrenfean fierder ynformearre oer de tariedings foar de
opsplitsing fan Boarnsterhim. Neist in taljochting op de projektorganisaasje waard de rie ek
ynformearre oer de konklüzjes fan it artikel-12 rapport Boarnsterhim 2010.
Op 27 juny 2011 stimde de rie fan It Hearrenfaen yn mei it prinsipebeslüt weryndieling mei
Boarnsterhim. Dêryn joech de rie opdracht oan it kolleezje om (yn 'e mande mei de oare
belutsen gemeenten Boarnsterhim, Ljouwert, Skarsterlan en Sudwest-Fryslan) it
weryndielingsüntwerp gemeente Boarnsterhim op te stellen en de definitive beslutfoarming oer
de weryndieling fan Boarnsterhim ta te rieden. Dit hat der ta laat dat it weryndielingsüntwerp op
22 novimber 2011 troch de ried fêststeld is en op besjen lein is.
1.2.3 Foarskiednis gemeente Ljouwert
Folgjend op de ütspraak fan 15 desimber 2009 fan de rie fan Boarnsterhim oer it opjaan fan
selsstannigens, hat it kolleezje fan Boarnsterhim begjin 2010 petearen fierd mei bestjoerlik
fertsjintwurdigers fan Ljouwert, om te fernimmen hoe't men tsjinoer in mooglike weryndieling
mei Boarnsterhim stiet. Ljouwert hat as tarieding op dit petear in position paper opsteld. Yn
dizze notysje wurde, neist feiten en sifers, de earste tinzen oer in mooglike weryndieling sketst.
Op 20 oktober 2010 hat de rie in mooglike weryndieling mei in part fan de gemeente
Boarnsterhim besprutsen. De rie hat doe de fisy op it foarriedige stanpunt fan de gemeente
Ljouwert op it foar in part byinoar foegjen fan Boarnsterhim en Ljouwert fêststeld. De rie fan
Ljouwert stimde yn mei in fierdere ferkenning troch it kolleezje fan in mooglike weryndieling
mei Boarnsterhim. By in oanholden moasje joech de rie oan dat der düdlikens wêze moat oer de
finansjele situaasje fan de gemeente Boarnsterhim en de finansjele bydrage yn it ramt fan de
artikel 12-status, foardat beslutfoarming plakfine kin.
Yn maart 2011 is de rie fan Ljouwert mei in brief ynformearre oer it prinsipebeslüt fan 30
novimber 2010 fan de gemeenterie fan Boarnsterhim, ynklusyf it troch de rie fan Boarnsterhim
beëage einbyld foar de gebietsyndieling, it tiidpaad en de tariedings foar de projektorganisaasje.
Yn itselde brief wurdt de rie yn it foarütsjoch steld dat de kommende wiken mear ynformaasje
beskikber komt oer de finansjele situaasje fan Boarnsterhim en de ütkomsten fan it provinsjaal
ündersyk nei de bestjoerskrêft en takomst fan de gemeenten yn Fryslan. Yn it brief wurdt tasein
dat sa gau't dizze ynformaasje beskikber is, der in foarstel komt oer de formele meiwurking oan
de ütwurking fan it weryndielingsüntwerp. Mei in separate brief is de rie ynformearre oer de
konklüzjes üt it rapport fan it ministearje fan BZK oer de artikel 12-status.
18