fersterking fan de Stedsregio op de noardlike en lanlike kaart troch in taname fan it
ynwennertal. Dit betsjut ek in grutter draachflak foar en demokratyske belutsenens by
foarsjennings en kulturele en ekonomyske aktiviteiten
it üntstean fan in gemeente mei in moaie kombinaasje fan stêd en plattelan dy't fanüt ien
sterke, grutte kearn oanstjoerd wurdt
it kreëarjen fan kansen op it mêd fan rekreaasje en toerisme, yn it bysunder yn en by (Grou
noard) it wettersportsintrum Grou mei syn bysündere relaasje mei de Pikmar en it Nasjonaal
Park De Aide Feanen.
mooglikheden foar fersterking fan it bedriuwslibben benammen op it mêd fan wetter(sport).
Utwreiding en typearring fan bedriuweterreinen kinne by in gearfoeging yn regionaal ferban
besjoen wurde
it kreëarjen fan mooglikheden om de sterke punten fan Ljouwert op it mêd fan
wettertechnology ut te bouwen, yn profilearring likegoed as yn oare aspekten.
It noardlik gebietspart fan Boarnsterhim wurdt troch de belutsen gemeenten yn alle opsichten
beskóge as komplemintêr oan inoar. Neist boppeneamde punten is dizze komplemintariteit foar
Ljouwert in wichtige motivearring foar it gearfoegjen fan de hjoeddeistige gemeente Ljouwert
mei it noardlik part fan Boarnsterhim.
2.7.2 Motiven foar gearfoeging mei It Hearrenfean
It gearfoegjen fan it südlik gebietspart fan Boarnsterhim mei de hjoeddeistige gemeente It
Hearrenfean biedt kansen foar de ynwenners, bedriuwslibben en organisaasjes fan It
Hearrenfean likegoed as Boarnsterhim. De gearfoeging past yn it stribjen fan It Hearrenfean nei
duorsum lokaal bestjoer en in bettere ferhalding tusken it tal minsken dat gebruk makket fan
regionale foarsjennings yn stêdlike kearnen en it tal ynwenners. It Hearrenfean wol no en yn de
takomst in gemeente wêze wêryn't de krêft en dynamyk fan de stêd harmonieus tegearre gean
mei de kwaliteit en rêst fan it plattelan. Stribjen foar de gearfoeging is dat de yntegraasje mei
behald fan de kwaliteiten en skaaimerken fan de besteande kearnen en sosjale struktueren
plakfynt. It gearfoegjen fan it südlik part fan Boarnsterhim mei It Hearrenfean biedt folop
kansen en mooglikheden. Spesifyk jilde dêrby de folgjende kansen en mooglikheden:
tafoeging fan Akkrum-Nes en Aldeboarn en de dêrby hearrende gebieten is in ferriking foar
de kombinaasje fan stêdlike dynamyk mei it plattelan en de karakteristike doarpen yn de
gemeente
nije kansen üntstean op it mêd fan rekreaasje en toerisme, bygelyks op it mêd fan
wettersport yn Akkrum-Nes en it ütbouwen fan de ferbining tusken Oranjewald en De
Deelen yn noardlike rjochting wêrmei't in keppeling tusken de Fryske Walden, Oranjewald
en it marregebiet ta stan komt
de gearfoeging betsjut dat de gemeenten It Hearrenfean en Ljouwert oan inoar grinzje,
wêrby't de oanwêzige ynfrastruktuer (dyk, wetter en spoar) nije üntjouwingskansen biedt
de toeristyske potinsje fan de doarpen, de kultuerhistoarje en de agraryske en ekonomyske
sektoaren fan Boarnsterhim-Süd slute nau oan by It Hearrenfean. Dit kin ütwurke wurde en
yn kombinaasje benut wurde.
mei it fergrutsjen fan de skaal yn de regio om It Hearrenfean en Boarnsterhim hinne wurdt
in stap rjochting duorsum lokaal bestjoer set
de taname fan it tal ynwenners mei likernóch 6.000 past yn it stribjen fan It Hearrenfean nei
bettere ferhaldings tusken it tal minsken dat gebrük makket fan boppelokale foarsjennings
en it tal minsken dat yn de gemeente wennet.
It südlike gebietspart fan Boarnsterhim wurdt troch de belutsen gemeenten besköge as passend
en oanslutend by de hjoeddeistige gemeente It Hearrenfean. In gearfoeging makket in nije
gemeente dy't by steat is syn maatskiplike opjeften robust de holle te bieden.
