- 3 -
Yn de Havensbank haw ik lezen, dat foar de Sint Martensfiering yn us gemeente in
pear bydragen jown binne. Dit binne krekt fan dy lytse dingen - forrassingen - dy't it
libben hwat moaijer meitsje. Ik bin der bliid mei en ik stel it ek op priis, dat
boargemaster en wethalders kans sjoen ha, foar dit soart en oare kulturele saken hwat
mear yn us kulturele füns to stopjen.
In knap stik fan de romte üt us bigreating wurdt brükt foar de wegen en ek de for-
ljochting. Hwat dit leste oanbilanget myn twadde fraech: Hwat moat der yn totael yn üs
gemeente noch oan dizze forljochting dien wurde en hwat kostet dat?
It wurdt tiid, dat wy mei us foaroarlochske forljochting, dy't hjir en der noch is,
ofweve. Der komt noch by: hwat forline jier op de bigreating komd is, stiet der foar de
helte noch net. Sa kinne wy wol kloek wêze fansels, mar kin dat nou net hwat hurder
avenseare en geane boargemaster en wethalders der wol fül efteroan?
Ey de forbetteringen, dy't wy oan strjitten en wegen oanbringe, fait, as slachtoffer
fan it tanimmende forkear hieltyd mear fan üs biplanting en beammen. Der is miskien net
folie oan to dwaen, mar üs doarpen wurde sa aerdich keal en ik woe hiel graech de oan-
dacht fan boargemaster en wethalders freegje foar de fraech: Hoe halde wy üs doarpen
moai en hoe meitsje wy se moaijer?
Us buro fan gemeentewerken hat in knappe forsterking krige fornimme wij üt dizze
bigreating. Safolle, dat de bihuzing al to lyts wurden is. It tariedend wurk kin nou
tominsten syn gerak krije. Mar it moat ek ütfierd wurde. En hjir doel ik foaral op it
minne ünderhald fan üs bermen, grienstroken en tsjerkhoven. Dat jildt seker foar de
bütendoarpen, alhoewol Grou nou just ek net by ütstek is. Ik bin dêrom wol bliid, dat
boargemaster en wethalders - mei troch it bisprek yn de ofdielings - romte foun ha foar
in man ekstra op dit terrein. Is it ek de bidoeling, dat yn elk fan de doarpen wer in
lytse fêste staf komt to sitten?
It ünderwiis is der dit jier ek wer knap foarwei kommen. Wy hiene ek net oars for-
wachte mei twa wethalders, dy't hjir sa nei by bitrokken binne. Us boargemaster moat
fansels wol oppasse, dat se net alles ynpikke. As fraksje binne wy fansels wol bliid
mei de forbetteringen yn de forskillende plakken yn üs gemeente, dêr't nije skoallen
en gymnastyksealen komd binne. De nije kombinaesjeskoalle to Wergea komt hopelik dit
jier fan de groun. Mar it is eins foaral Warten, dat in suterich gefal hat, dat men
skoalle neamt.
Menear de foarsitter, der is foar üs bern net folie plak om to boartsjen.
Op de strjitten kin it net. As der yn üs doarpen op initiatyf fan pleatselik bilang of
alden, dy't har der foar spanne bisocht wurdt, in gaedlik boartersplak to krijen, dan
hoopje ik, dat se by boargemaster en wethalders in goed ear fine sille, as der help
nedich is.
Mei de bigreating yn it algemien binne wy wol ynnommen. Mar oer in pear punten woe
ik noch wol hwat hearre.
Dat is yn it earste plak oer de kommeplannenfoaral oer dat fan Grou.
Hoe stiet it der mei?
Dan it punt kontakt bifolking. De wethalders halde nou elke moanne spreküre yn in pear
doarpen. Hoe rint dat, en hat it kolleezje op dit punt ek noch mear plannen?
De opstelling fan it kolleezje by it swembad yn Grou foun ik net sa posityf yn de bi-
greatingsbriefIt plan Grou-noard is hast klear. Hoe sille wy nou fierder?
Graech hjir in düdlik antwurd op.
Oer de wenningbou wol ik sizze, dat ik hoopje, dat der foar üs gemeente mei in
natuerlike groei fan de yndustry hwat ekstra's üt komt.
Ik winskje it kolleezje sterkte yn de striid.
En dan woe ik bislute menear de foarsitter mei in pear opmerkings oer it rekrêaesje-
oard to Grou.
Wy hawwe der in pear kear west. En it is der prachtich yn de simmer. Dat witte hiel
hwat minsken buten üs gemeente better, as de eigen ynwenners. Se moasten der ris hinne
gean. It kin ek best sunder sylboat. De minsken, dy't der de leste jierren fanwegen it
Reade Krüs hinne geane, witte it wol. En nou binne der buten dizze groep noch hiel hwat
minsken, dy't der troch forskillende omstannichheden net oan ta komme, mei fakansje to
gean. Soe it net mooglik wêze oan dizze minsken, eigen ynwenners fan de gemeente dus,
yn de tiid, dat der in ünderbisetting yn "De Lijte" is, tsjin in skaplike priis in
hüske to forhieren? Kinne boargemaster en wethalders dizze suggesje net oan it bistjür
trochjaen? Dat bistjür, menear de foarsitter stiet frij fan de gemeente. Dat wit ik
hiel wol. Mar it hat de leste jierren bliken dien, dat de stipe fan de mearderheit fan
de Rie by it bihanneljen fan de bigreating och sa wolkom wie. Hou bigryp ik net goed,
dat dat bistjür samar inkelde tüzenen gounen op de kampwinkel sjitte litte kin.
Der kom ik strak noch wol op werom. r
