Fraach 8; Hoe sit it mei de;
- taakstelling fan f 150.000,--
- personiel y.f.m. ynspeksje VROM
- jild frijmeitsje foar bestimmingsplannen
fragen fan de O.R.
- Alvestederoute Frjentsjer - Bartlehiem.
- Sintrumplan
De begrutting foar 2002 liket us in begrutting tasnien op de ferkiezings fan 2002, in
spultsje fan "stilsitte as je skeard wurde" en nei de ferkiezings sjogge wy wol wer
fierder. Ferkiezingsstunt? De foarutsichten mei oprinnende tekoarten yn 2003 oant
2005 stimme us net fleurich. Yn it oanbiedingsbrief seit it Kolleezje 'In tegenstelling
tot vorig jaar kunnen wij u de begroting thans aanbieden zonder ingrijpende
belastingverhogingen. Dit houdt niet dat de finaciele positie van de gemeente thans
rooskleurig is. Anderzijds moeten wij ook niet te negatief zijn,ensf.
En dan giet it Kolleezje al fest fierder mei it fersulverjen fan mooglike tafallers.
Foarsitter, dizze halding fan 'it liket net goed mar wy moatte it net te swart sjen' liedt
ta neat. It is in halding fan neat dwaan en 'pappe en nathouden'. Mei neat dwaan
kinne wy de takomstige tekoarten fan us gemeente net bestride. Der sil wat dien
wurde moatte oan kostenbehearsking oars untkomme wy yn'e tatakomst net oan in
wer sa'n grouwelige belestingferheging as dit jier. Jierren lang hat de FNP utstellen
dien om de kosten te behearskjen, no fine wy dat it heech tiid wurdt dat it Kolleezje
mei utstellen komt.
Ta Beslut.
Foarsitter, wer't ik mei utein setten bin, us gemeente is djoerder wurden mar net
better. As FNP fine wy dan ek dat us ynwenners foar dy priis mear kwaliteit
ferwachtsje meie. Soks betsjut dat kosten en baten mear mei inoar spoare moatte
troch benammen nei de kosten kant te sjen.
In protte plannen (sa as Grienbehearsplan, Wegenplan, Managementplan) binne
mei tam-tam oppakt, mar risseltaten sjogge wy noch net. It is in spultsje fan 'altyd
foar de hikke mar noait dOnsk'. Wy fine derom ek dat it gemeentlik apparaat sa gau
mooglik op oarder brocht wurde moat om de gemeentlike taken op in tarikkende
wize utfiere te kinnen. Der oan taheakjend hawwe wy wurdearring foar de amtners,
werfan ferwachte wurdt dat hja, net tsjinsteande de underbesetting, alle wurk op in
tarikkende wize utfiere.
De FNP fynt it mei it each op de ynfiering fan it dualisme needsaaklik om yn 2002,
mooglik yn'e mande mei oare gemeenten, in gemeentlike rekkenkeamer yn te
stellen. Op dy wize kin de Ried har kontrolearjende taak better utfiere.
Fraach 9; Wat tinke de oare fraksjes hjirfan?
Ut namme fan de FNP-fraksje,
Douwe Bylsma.