Kategory E moat fan de baan. It giet mar om 4%.
De hear De Kroon (PvdA): De PvdA is wol skrokken fan de maatregels. Men wurdt troch de
eigen finansjele posysje twongen om de diken minder goed te underhalden.
Men komt 220.000 euro tekoart en dat wurdt ferdield oer asfalt en stiennen. Hoe komt men
oan dy ferdieling? It fait op dat der mar in hiel lyts eintsje read (=100% underhald) is. Op alle
oare diken lit men wat sitte, sels op drokke diken lykas de Lege Hearewei en de Uniawei. Kin
dat wol lije?
De Noardwesttangint is it oare jier klear. Men kin no wol beslute oer it underhald fan de diken
dy't dan frijkomme en in klasse nei underen sette. Werom wurdt de Mieddyk net ofwurdearre
en bepaalde oare diken wol? De PvdA wol de drokke diken goed underhalde.
Der wurde wol fragen steld oer it ofsluten fan diken en it nimmen fan ferkearsmaatregels, mar
der wurde gjin antwurden by jun. Men moat yn dialooch mei de oanwenners gean en dan pas
mei in foarstel nei de ried komme.
De hear L. Tilma (CDA): Men sil it mei it beskikbere budzjet dwaan moatte. De wethalder lit
yn de bylage sjen hoe't er it jild ynsette wol. Men kin der gjin rjocht oardiel oer jaan. Miskien
kinne de oanwenners noch wat suggestjes jaan.
Der is neat meinommen oer de lanlike trend dat der somtiden wol foar 25% under de
begrutting oanbestege wurdt en dan hoecht men net ta in omsetting fan guon wegen ta
pundiken oer te gean. It CDA hat der begryp foar dat men it underhald oer wat mear jierren
utsmart.
De hear Ketellapper(GBL): Wat kin it lije en hoe kin men mooglik ta in oare skikking
komme? En wat binne de mooglikheden fan skerpe oanbestegings? Der moat earst mear
helderheid oer komme.
Wethalder Keizer: It is in lestich stik. De ried wurdt har derfan bewust wat de konsekwinsjes
fan besunigings binne. Men kin oer elke ferdieling diskusjearje. It giet derom oft it in line is
dy't de ried wol. In protte wetterskipsdiken binne 20 jier lyn oemommen troch de gemeente
en moatte underhalden - yn asfaltearde foarm - wurde as der trije eigendommen oan lizze. By
de Griene Dyk is gjin sprake fan in trochgeande dyk. It Pieter Rindertsreedsje sit no noch yn
deselde kategory as de Nijlansdyk.
Syn eigen opfetting is dat men fan diken mei bewenning nea in pundyk meitsje mei, want de
oanwenners hawwe der jierrenlang foar betelle. Oer de 'reade' diken giet swierder ferkear as
oer de oare diken. Men wol earst witte hoe't it ferkear har ofwikkelt as it Noardwesttangint
klear is ear't men der feroarings yn oanbringt. By de Aldlansdiken sitte bedriuwen oan de ein
fan de dyk en derom kin kategory E der net lije.
Hy soe der wiis mei weze as de ried de 4% oer de rest utsmarre wol.
As it rezjym sa drastysk feroaret dan sil men wis kontakt opnimme mei de oanwenners.
By de planning giet men ut fan de rjochtprizen. It mooglik foardiel by oanbestegingen komt
yn de reserve underhaldsfuns.
Twadde termyn
De hear De Kroon (PvdA): It soe no neffens de wethalder in line fan tinken weze, mar der leit
neffens him in konsept riedsbeslut foar. Men soe no al foarutsjen kinne wat de gefolgen foar it
wegenet binne troch de oanlis fan it Noardwesttangint. It hie in protte wurk skeeld as men
better ynformearre wie oer de wizigingen. Mei it each op de ferliking Wythusterwei en
bygelyks de Griene Leane freget er oft der mjittings under lizze. Men soe de E-kategory
skrasse moatte. Men soe ek yn diskusje gean moatte mei de ynwenners en dan mei dy reaksjes
