GEMEENTE BOARNSTERHIM
14. Utstel ta it ynstellen fan
ôfdielings út de ried en it
wizigjen fan it Reglemint
fan Oarder.
Oan de gemeenteried.
Grou, 25 jannewaris 1984.
Wy binne fan betinken dat in frekwent oerlis tusken ried en kol-
leezje fan boargemaster en wethâlders fan belang is foar it foarm-
jen fan gemeentlik belied. It oerlis yn de gearkomsten fan de ried
stiet derby foarop. Der wurde op it lést de besluten naam.
Yn de praktyk bestiet lykwols ferlet fan foaroerlis der't it belied
yn in ier stadium troch de ried stjoerd en beynfloede wurde kin.
Yn sa'n foaroerlis kin faak ek wat mear wiidweidich en djipgeand op
de saken yngongen wurde as yn de (somtiden ek wat formele) rieds-
gearkomsten.
In foaroerlis as hjir bedoeld, kin goed syn gerak krije as de ried
út syn fermidden ôfdielings foarmet. Eltse ôfdieling kin dan mei
de eigen portefúljehâlder út it kolleezje fan boargemaster en wet-
hâlders it belied trochprate en der stjoer en rjochting oan jaan.
De âlde gemeente Idaarderadiel hat hjir al ünderfining mei opdien,
en it foldie bést.
Ih reglemint yn de ôfdielings (gearstalling, taak en wurkwize) is op-
naam yn in oan it Reglemint fan Oarder ta te heakjen konsept haad-
stik XIV. Wy ferwize jim nei it op besjen lizzende konsept. Wichtige
punten foar ús binne dêryn de iepenbierens en it sprekrjocht fan de
publike-tribune
Sa't jim yn it Reglemint fan Oarder sjen kinne, binne yn de oare haad-
stikken ek alle flaters tsjin it taaleigen en de stavering ferbettere
dy1t dér neffens de fraksje fan de F.N.P. noch ynsieten.
It liket ús om redenen fan lêsberheid en dúdlikheid de baas en stel it
Reglemint mei alle wizigingen en mei ynbegryp fan it nije haadstik
XIV op'e nij fêst.
Wy stelle út, dêrta oer te gean en de leden fan de ôfdielinq te
beneamen.
Boargemaster en wethâlders fan de gemeente Boarnsterhim,
de siktaris, de boargemaster,
A. Carolus. B.G. Holtrop.