- 17 -
Is it kolleezje ree om in proefproses te fieren om dat tekoart der út te slepen
by it ryk? Yn sa'n proefproses moat it ryk dan mar bewize dat it libjen kin mei
in tekoart. Wy fernimme jerne oft it kolleezje dit oernimt, want in ridlik
minimum ynkommen is needsaak foar in minsklik bestean. Wurk en in ridlik ynkommen
binne mooglik, sa as al earder yn dizze beskôging oanjûn is.
Fierder geand rinne wy foar de gemeente in tal saken del:
- de ekstra koartings op it gemeentefüns en de doelútkearings (benammen ûnderwiis)
- it werombringen fan subsydzjes f oar maatskiplike organisaasjes en iepenbiere
wurken (benammen de bou)
Allinne dizze saken al leverje by gemeenten en ynstellings tsientüzenden wurkleazen op
en by oannimmers en yndustry hünderttüzenden.
De V.N.G. (Vereniging van Nederlandse Gemeenten) - en dus de gemeente- hat bettere
alternativen yntsjinne. Dy wurde net oppakt troch dit regear. Dêrom moat der ek
fanút de gemeenten seis nei bûten ta wurke wurde.
Wy freegje it kolleezje dat mei organisaasjes, fakbünen en ûndernimmers op te nimmen.
Us ynwenners moatte der by belutsen wurde. It moat fierder gean as goede V.N.G.-
rapporten. It ynkommensferskil tusken útkearing en normaal lean is mei in oare
palityk te beteljen. Skeppe yn stee fan öfbrekke!
Sa hingje der nóch twa stiennen om de gemeentlike nekke:
- it eigen finansiële part yn de sosiale soarch en
- de rinte/weardedaling fan de grün.
Tonnen ferliest de gemeente sa. Tonnen dy't eins brûkt wurde moatte foar it op
peil hâlden fan de foarsjennings en it bestriden fan de wurkleazens.
Wy roppe de oare partijen yn dizze ried op, dizze saken oan te kaarten by harren
fraksjes yn de Twadde Keamer.
Hjir moat in oare wei fûn wurde, oars giet ús gemeente de folgjende jierren fallyt.
De gemeentlike belestingen kinne eins de kommende jierren net fierder omheech,
wylst dit regear ús freget dat al te dwaan. Wy wolle dat net! De keapkrêft fan
de ynwenners moat net fierder oantaast wurde. Want ek de middenstan buorket mei
sprongen efterút, wêrby de boeren ek noch mei de superheffing pakt wurde.
Dizze ried hat fêstlein dat de alderleechste ynkommens frijstelling krije sille
fan it beteljen fan de gemeentlike lésten. Wy sille de effekten fan de ûnreplik
guodbelesting skerp folgje en derby de mooglikheden besjen om in fierdere gemeentlike
sosiale polityk te fieren.
As slútstik lizze der de eigen gemeentlike mooglikheden:
- wurkgelegenheidsfûns;
- proj ektminsken sûnder wurk
- eigen polityk wat de wurktiidferkoarting en it wurkgelegenheidsfûns
oanbelanget
Dat sil in drege saak bliuwe. Us "terrein" is beheind. Wy witte dat it kolleezje
ree is ta stipe enbyspringen. By Halbertsma is dat bard. Wy tinke dat de gemeente
ek yn de takomst oare mooglike problemen mei help fan "éénmalige" bydragen (út
saldi- of oare reserves) op&osse moatte sil.
Oangeande it projektminsken sünder wurk'dér wolle wy skerper op tasjen. Foaral wat
it wurkjen mei behâld fan in útkearing oanbelanget. Wy fine yn^dat ramt dat alle
oanfragen dy't by ús yntsjinne wurde, regionaal toetst wurde moatte, wêrby yn-
stimming fan alle sosiale partners in betingst is.
Wy freegje it kolleezje dizze oanpak yn te bringen by de regio (Regionale Coördi
natie Commissie)Dêrneist freegje wy it kolleezje oft de eigen wurkgelegenheids-
oanpak fan de R.C.C. foldwaande is. Sa net, dan sille wy yn de rin fan dit jier
besjen moatte oft der in_wurkgelegenheidskommisje Boarnsterhim ynsteld wurde moat.
Oangeande de wurktiidferkoarting yn eigen hûs kinne wy koart wêze. Wy geane der
allinnich yn mei as der oerienstimming is mei de fakbeweging. Dit jildt sawol
foar besteande as nije banen.
Mei it milieu liket it yn dit lân wat better as mei frede en wurk. Der is in
behoarlike wetjouwing ta stân kaam de léste jierren. Mar der moat mear barre.
Dat is goed foar nij wurk en foaral goed foar it milieu. Wy neame in tal saken:
- gjin déregulearring dy't de milieuwetten efterút bringt;
- gjin nije kearnsintrales en sluting fan besteande;
- gjin fierdergeande stoarting fan gifôffal/kearnôffal yn de see of de grün;
