- 15 -
Wethâlder Van Gorkum is bliid mei de stipe dy't de ried hjiroan jout.
Hy seit dat it kolleezje him ek óffreget hoe't de provinsje it regulearjen fan
de druk yn de hân tinkt te hâlden.
Wat in aktyf belied fan de gemeente oanbelanget, wurdt der op dit stuit wurke
oan in plan foar de wâlen en dat kin dan in soarte fan struktuerskets neamd wurde.
Dat de gemeente no hyltyd reageart op provinsjale plannen is ek wier, mar der
sille wol eigen gemeentlike plannen makke wurde. Fierder is it foardiel fan sa'n
protte provinsjale plannen oer likernôch itselde ûnderwerp dat der altyd oan de
hân fan sa'n fjouwer of fiif provinsjale rapporten oantoand wurde kin dat in
gemeentlik plan yn it provinsjale belied past.
Fierder is der neffens sprekker yn de provinsjale plannen wol in lytse feroaring
te fernimmen oangeande de rekreaasje; dêr kriget men mear each foar. En it is
ek net sa dat as men foar de natoer is dat men tsjin rekreaasje is en oarsom.
De suggestje fan de hear De Wolf om alle wâlen op rekreatyf mêd meibrüke te litten,
is neffens sprekker net helber. Allinnich al de jildlike kant soe in protte
swierrichheden jaan. Fierder binne der noch stikken wâl dy't foar agra-
rysk gebrûk bestimd binne. Dizze suggestje soe wol moai wêze om te realisearjen,
mar it is net helber.
Dat de provinsje foar dizze plannen jild beskikber stelle moat, is sprekker it
wol mei iens, mar dat moat dan op grün fan gemeentlike plannen. De gemeente is
seis dwaande plannen op te stellen en op grün dêrfan jild oan de provinsje te
freegjen.
Sprekker is it mei de hear Terra iens dat it plan dizich is op it mêd fan it
stjoeren. Der stiet neffens him wol in dúdlik belied yn, mar om dat hurd te
meitsjen is fansels net sa ienfâldich, en dêrtroch wurdt it plan dan ek wat
dizich.
Derhatgjin oer lis west mei wetterskippen en Marrekrite. Dit ûnderwerp heart
neffens sprekker, alhiel ta it foech fan de gemeenten en it liket him ta dat yn
it foarste plak de gemeenten harren hjiroer útsprekke moatte.
Sprekker is it net mei de hear Bouma iens dat it tal plannen fan de provinsje
omkeard evenredich is oan it tal lisplakken yn de Alde Feanen. Dêr is neffens
him de ôfrûne tiid goed wurk dien, troch plannenmakkers en útfierders. Ek lit
men sa sjen dat de rekreaasje de natoer net altyd hoecht te skeinen, mar dat
dat ek wol lyk op gean kin.
Oer de feroarings dy't yn de ôfdieling oanjûn binne en troch it kolleezje foar it
grutste part oernommen binne, seit sprekker dat punt 1 net oernommen is om't dat
oerstallich wie. Dêr wurdt fierder op yn it stik wol op yn gien.
Punt 8 paste net yn it útgongspunt fan it kolleezje en koe dêrom net oernommen
wurde. De wiziging fan punt 2 like harren in ferbettering fan it alderearste punt 2.
De hear Damsma is it yn grutte linen wol iens mei it stik fan it kolleezje en
hy wol harren der ek wol in plom foar jaan.
Hy mist lykwols it echte beliedfieren. Der komme oeral suggestjes wei, mar ien
belied is der net. Dit is gjin belied mar in reaksje op in plan.
(Wethâlder Van Gorkum: "En dêr sprekt gjin belied út?")
Yn it foarste plak fynt sprekker it in reaksje op in plan fan de provinsje. Dêr
sprekt wol in stikje belied út mar net in belied oer it hiele mêd. Hy fynt it no
sa'n hap-snap'belied.
De heer De Wolf is van mening dat uit dit stuk duidelijk een eigen visie blijkt
en daar is hij wel blij mee. Het zou natuurlijk mooi zijn, als de gemeente met
een totaalplan zou kunnen komen om dan bij ieder plan van de provincie dat totaal
plan als reactie aan te wijzen, maar dat lijkt hem niet haalbaar.
Hij is wel wat teleurgesteld dat zijn suggestie over het recreatief medegebruik
van de oevers zo wordt afgewezen. Het lijkt hem dat de financiële middelen voor
zo'n plan niet door de gemeente alleen betaald hoeven te worden; dat zou door
hogere overheden moeten gebeuren. En dat zou waarschijnlijk niet zoveel problemen
opleveren als er maar meer zaken gecombineerd zouden worden.
De hear Bouma kin it wol iens wêze mei it útstel en de oanfollings sa't dy