32. utstel ta it oanskaffen fan in
hantwurkkast foar de Juf Boerema-
skoalle te Akkrum.
GEMEENTE BOARNSTERHIM
Oan de gemeenteried
Grou, 8 febrewaris 1985.
Fan it haad fan de Juf Boeremaskoalle te Akkrum hawwe wy yndertiid
in winskelist krigen, oangeande saken dy't gearhingje mei de yn-
rjochting fan it skoallegebou. In tal saken hjirfan binne al reali-
searre. Der is in kokentsje makke en der binne in tal planken
oanbrocht op'e "kultuersouder" om de ferskate kisten mei materialen
op te bergjen.
Dit leste is dien troch minsken fan it wurkgelegenheidsprojekt.
Sa't út de stikken, dy't by dit foarstel hearre, bliken docht,
binne der noch in tal winsken. Wy binne lykwols fan betinken, dat
der mei de útfiering hjirfan wachte wurde moat oan't der mear dúdlik-
heid bestiet oer de definitive húsfesting fan it basisûnderwiis
nei 1 augustus 1985.
Wat de hantwurkkast oanbelanget, wolle wy hjir in útsûndering meitsje.
In hantwurkkast foldocht oan de normale easken te stellen oan it
jaan fan leger ünderwiis, sadat der gjin inkelde behindering is
om hjirfoar in ekstra kredyt beskikber te stellen. De kosten fan
de oanskaffing wurde rust op 700,eksklusief b.t.w.
Wy stellen jimme ried út:
1. de winsken neamd Onder punt b oant en mei punt e op de winske
list earst noch net út te fieren;
2. in bedrach fan 700,(eksklusief b.t.w.) beskikber te stellen
foar it oanskaffen fan in hantwurkkast foar de Juf Boeremaskoalle
te Akkrum.
Boargemaster en wethâlder fan Boarnsterhim,
de siktaris, de boargemaster,
P.H. Starreveld. B.G. Holtrop.