Nr. 10 Utstel oangeande it fuortsetten fan
"De Wurkpleats" yn it ramt fan it
Projekt Minsken Sûnder Wurk.
GEMEENTE BOARNSTERHIM
Oan de gemeenteried.
Grou, 10 maaie 1985.
Lykas jimme wol witte, hat ien fan de aktiviteiten fan it projekt
Minsken Sûnder Wurk it opsetten fan in houtprojekt west. Hoet
dat allegear gien is, is beskreaun yn it histoarysk oersjoch, dat
foar jimme by de riedsstikken op besjen leit.
Op dit stuit beskikt it projekt ûnder de namme "De Wurkpleats"
oer in eigen romte oan de Oedsmawei 11 a te Grou, dêr't sa'n 20
minsken mei in útkearing geregeldwei komme foar in putsje of in
praatsje.
De Wurkpleats is folslein ynrjochte. It ark fertsjintwurdiget in
wearde fan sa'n 60.000,
By de gemeente hat in saneamde wurkmaster yn tsjinst west foar
20 oeren wyks, dy't it projekt laat en begelaat hat.
Dit (tydlik) tsjinstferbân rûn 23 april 1.1. ôf. Yn de op 5 febrewaris
1.1. troch jimme ried akseptearre begrutting fan 1985 is rekkene
mei it fuortsetten fan it tsjinstferbân foar de rest fan it jier
(tydlik tsjinstferbân omsette yn fêst tsjinstferbân)By it fêststel-
len fan de begrutting is lykwols dúdlik ôfpraat, dat de ried noch
in ôfsûnderlik beslút nimme soe, oer it al as net fuortsetten fan
it tsjinstferbân en dit dan oan de hân fan in yngeande diskusje
oer de doelstellings fan Projekt Minsken Sûnder Wurk en Wurkpleats.
De doelstellingennota fan it Projekt is noch net hielendal klear.
Lykwols moat der no wol in beslút komme oer de wurkmaster en dêrby
oer it Wurkpleats-projekt.
Hjiroer is wiidweidich praat yn de stjoergroep foar it P.M.S.W.,
yn ús kolleezje en yn in oerlis tusken deistich bestjoer fan de
stjoergroep en ús kolleezje.
De stjoergroep is dúdlik en ienreidich: fuortsette dat tsjinstferbân,
want de Wurkpleats begjint no krekt aardich te draaien en it net
ope nij oanstellen fan de wurkmaster soe de ein fan dit projekt
betsjutte
Us kolleezje hat hjir wat muoite mei (sommige leden wat mear, oaren
wat minder). Der hat nammentlik noch gjin diskusje pleats fine
kind oer doelstellings en útgongspunten fan1 it Projekt en dat wurdt
wol needsaaklik achte ear't der in beslút naam wurde kin oer it
fêst yn tsjinst nimmen fan in wurkmaster.
Fierders is ús kolleezje fan betinken, dat it tal dielnimmers oan
de Wurkpleatssjoen it mienskipsjild wat hjiryn stutsen wurdt,
oan de lege kant it.
Om tiid te krijen foar de prinsipjele diskusje, sûnder it Projekt
op dit stuit de nekke om te draaien, soene wy jimme ek al mei it
each op de kommende fakânsjeperiode, útstelle wolle om yngeande
1 septimber o.s. nochris foar in healjier in wurkmaster oan te
stellen (dat kin deselde wêze), mei it útdruklik betingst, dat
yn dat healjier it Projekt him "bewize" moat en dat foar 1 febrewaris
1986 in dúdlike riedsútspraak oer de takomst (doelstellings,útgongs-
punten, taken, prioariteiten) fan it Projekt Minsken Sunder Wurk
dien wurdt.
In Konsept-beslút leit foar jimme by de riedsstikken op besjen.
Boargemaster en wethâlder fan Boarnsterhim,
de siktaris, de boargemaster,
P.H. Starreveld B.G. Holtrop
