- 12 -
De hear Bouma seit dat yn it konsept-útstel ek praten is oer ferfanging
fan de motor. Hy is bliid dat dat net trochgien is. Oer de besparringen
troch de automatisearring wiene earst ek twifels. Troch de neiere ynfor-
maasje is dêr wol mear dúdlikheid oer kaam. Dy ynformaasje komt fan de
pont fan Langwar dy't foar in pear jier automatisearre is en de situaasje
dêr is hast lyk oan de situaasje by de Burd sadat dy gegevens wol brûkt
wurde kinne. Sprekker tinkt dat seis mear besparringen makke wurde as
hjir foarrekkene binne. Dêrby moat wol betocht wurde dat it yn it simmer-
skoft net op giet, mar dat de besparringen yn it foarjier, neijier en
de winter helle wurde moatte.
By it automatisearjen fan de beammen hie sprekker yn it begjin de measte
betinkingen. Lykwols hâldt dy automatisearring foar de pontwachters in
ferbettering fan de wurkomstannichheden yn. Hja hoege dan mar ien kear
de trap op en del foar it jild en net mear om de beammen foar de minsken
iepen te dwaan. Foar de gebrûker is der it foardiel dat de beammen fuort
iepen geane as men der oankomt. Dizze automatisearring kin dutsen wurde
út de besparrings fan it automatysk oanlizzen en sprekker is it dêrom
iens mei dit útstel.
Wethâlder Van Gorkum seit dat de tsjinst gemeentewurken oer dit útstel
fansels ek ynformaasje ynwûn hat by saakkundigenDe besparring is fûn
yn it minder ferbrük fan dieseloalje en net yn it ûnderhâld fan de motor.
Ut de praktykgegevens dy't fan Langwar bekend binne, hat sprekker der
alle betrouwen yn dat de rüsde besparrings wol helle wurde sille. Foar
de pontwachters hâldt de automatisearring fan de beammen yndied yn dat
hja folie minder hoege te rinnen. It liket sprekker ek ta dat foar de
gebrûker de pontfeart koarter duorje sil en dêrmei wurdt de kwaliteit
fan de oersetting ferbettere.
De hear Van der Baan seit dat der twa aspekten spylje ntl. de slitaazje
fan de motoren en de slitaazje fan de minsken. Hy kiest leaver foar it
earste en hy is der bliid mei dat dizze automatisearring útfierd wurde
kin.
De hear Terra seit dat hy ek wol om de minsken tinkt, mar hy hat syn
twifels oer it kostenplaatsje sa't dat by it útstel leit. Hy tinkt dat
it allinnich mar djoerder wurde sil fan de automatisearring. De mooglik-
heden moatte earst better ündersocht wurde ear't sprekker hjir yn mei
gean kin.
De hear Bouma seit dat hy fan hearren en sizzen hat dat de pont by Langwar
dy't as foarbyld oanhelle is, ophâlde sil te bestean en miskien is it
mooglik om dêr dan wat fan oer te nimmen.
Wethâlder Van Gorkum seit dat hy suggestje meinommen wurde sil. Fierder
binne de beammen eigendom fan de koöperaasje fan De Burd en dêrmei sil
ek noch oer dit útstel praat wurde, as de ried it oannimt.
Vervolgens wordt zonder hoofdelijke stemming conform het voorstel besloten.
10. Utstel oangeande it fuortsetten fan 'De Wurkpleats' yn it ramt fan
it Projekt Minsken SGnder Wurk.
Mefrou S. Zijlstra seit dat har fraksje it. iens is mei it útstel fan
it kolleezje. Hja wol noch wol de suggestje dwaan dat de doelstellingen
nota dy't opstelt wurde sil, yn in tiidsrak te pleatsen sadat dy nota
der op'e tiid is om der noch goed oer prate te kinnen. It liket har ek
goed ta dat de minsken dy't oan it wurkpleatsprojekt mei dogge en mei
dien hawwe, ris om de tafel sitten geane om te bepraten wêrom dit projekt
net rint sa't men graach hawwe woe.
