- 10 -
It kolleezje wie fan betinken dat in plak efter de brêge in
reedlik alternatyf wêze soe, mar út de reaksjes hat harren ek
wol bliken dien dat de hierders der oars oer tochten. De oare
lokaasjes dy't no as ferfanging oanjûn binne kinne alle 40 hierders
opheine. It binne betelbere plakken en oan iepen wetter en dêrom
wol in goed alternatyf. It liket him ek wol goed ta dat de
rûnfeartboaten oanlisplak yn it doarp krije of ope kop op de
stegers oanlizze, sadat der san'n 16 a 18 plakken iepen komme
foar de fêste hierders.
Sprekker mist yn de wurden fan mefrou Aukes dat ried en kolleezje
tegearre ferantwurdlik binne. It kolleezje jout yn de ôfdielings-
gearkomsten ynformaasje oer it belied dat op dat stuit ütfierd
wurdt. As dat dan yn in earste gearkomste bepraat wurdt en yn
de twadde krijt men in ôfskrift fan in ferstjoerd brief dan
moat men net sizze dat dat in foldongen feit is. Wol is sprekker
ree om ta te jaan dat yn dizze saak de konsekwinsjes foar de
fêste hierders net goed besjoen binne. Dan moat der net in be-
skuldigjende finger nei ien kant opheven wurde, want de gemeente
is der foar de boargers en dêr is eltsenien it oer iens. It
giet him dan ek te fier dat der sein wurdt dat der efter de
skerms wurke wurdt.
Oer de foarljochting seit sprekker dat de measte reaksjes kaam
binne op artikels dy't net goed wiene. De fraach is dan oft
sokke publikaasjes tsjin sprutsen wurde moatte. It liket him
in goede saak dat der yn it kolleezje ris yn algemiene sin oer
soks praat wurdt.
De opdracht foar it meitsjen fan in besteksklear plan is jûn,
om't der in subsydzje-oanfraach makke wurde moast. De gemeente
moat dat plan betel je en as de ried dat net goedkart dan soe
dat haadlik omslein wurde kinne oer de kolleezjeleden.
By de stikken lei in besteksklear plan op bes jen mei derby alle
technyske ynformaasje oer de konstruksje.
It giet fierder om in beheind plan: de stegers oan de Pikmar
en alternatieve plakken foar de fêste hierders, hoewol de sifers
net oanjouwe dat it om in beheind plan giet. It kolleezje hat
gjin neier Gndersyk dien om't de oerheid wol ree wie op grûn
fan it al oanwêzige C.I.M.K.-rapport subsydzje te jaan.
Der is de ôfrûne fiif jier net folie útjûn oan it ûnderhâld
fan de stegers. Dat giet net om tsientûzenen gûnen. Sprekker
fynt dat de tip om by dit plan ek it bedriuw fan Tasma te belûken,
wol wat oan de lette kant komt. Om no te sizzen dat dit plan moog-
like takomstige plannen dwersbongelt, liket sprekker net just,
om't dit dan net in totaal belied is, mar dochs om sa'n hundert
oanlisplakken giet.
De ferfangende lisplakken kinne yn prinsipe kostendekkend wêze,
as dy op in net al te djoer plak realisearre wurde kinne. Hjir-
oer sil yn de folgjende gearkomste noch in útstel komme, mar
it like it kolleezje better dat der earst in prinsipe-útspraak
fan de ried kaam.
Der is moarntejûn ek in êfdielingsgearkomste wêryn dizze saak
nochris bepraat wurde sil, mar dan oer de technyske punten.
Yn dy gearkomste kinne alle technyske saken nochris bepraat wurde.
De minsken fan it ingenieursburody't it plan opsteld hawwe,
sille dêr ek oanwêzich wêze. Ek it probleem fan de rûnfeartboten
kin dêr nochris oan de oarder komme. Om't foar de oanlis fan
rûnfeartboaten wat steviger stegers nedich binne as foar gewoane
passanten, binne de eigners fan rûnfeartboaten ek útnoege om
moarntejün de gearkomste by te wenjen en as hja dat nedich fine,
harren winsken kenber te meitsjen.
