W
31. Utstel fan nammejouwing oan'e
iepenbiere basisskoalle yn Jirnsum.
GEMEENTE BOARNSTERHIM
Oan de gemeenteried.
Grou, 8 novimber 1985.
Yn in oan ús kolleezje rjochte en foar jimme by de riedsstikken
op besjen lizzend skriuwen, dielt de direkteur fan de iepenbiere
basisskoalle yn Jirnsum mei, dat yn in gearkomste mei it personiel
en de âlderkommisje fan de eardere iepenbiere beukerskoalle "Beuker-
wille" yn Jirnsum, besletten is, om as namme foar de nije iepenbiere
basisskoalle dêre, "It Tredde Sté" oan te hâlden.
Sa't jimme witte, wie dit ek de namme fan de eardere iepenbiere
skoalle foar gewoan leger ûnderwiis yn Jirnsum.
De iepenbiere beukerskoalle "Beukerwille" en de iepenbiere legere
skoalle "It Tredde Sté" foarmden yn ferbân mei de yntegraasje fan
it beuker en leger ûnderwiis oant 1 augustus 1985, doe't de Wet
op it Basisûnderwiis fan krêft waard, in skoallekeppelMen wol
mei it each op'e nije situaasje de namme "Beukerwille" no falie litte.
Wy kinne der ynkomme.
Itselde is bard mei de nammejouwing oan'e iepenbiere basisskoallen
yn Roardhuzum en Wergea. Ek yn dizze gefallen binne de nammen fan
de eardere beukerskoallen ferfallen en is de namme fan de iepenbiere
legere skoalle oanhâlden foar de nije iepenbiere basisskoalle.
Wy stelle jimme dan ek út, om oan'e iepenbiere basisskoalle yn
Jirnsum de namme fan "It Tredde Sté" te jaan, en dêrta in beslút
te nimmen, dêr't it ûntwerp fan by de riedsstikken op besjen leit.
Boargemaster en wethâlders fan Boarnsterhim,
de siktaris, de loko-boargemaster
P.H. Starreveld D. van Gorkum