GEMEENTE BOARNSTERHIM
32. Utstel om in ekstra kredyt beskik-
ber te stellen foar it oanbringen
fan ûnderskate boukundige foar-
sjennings yn it gymnastyklokaal yn
Raard.
Oan'e gemeenteried.
Grou, 8 novimber 1985.
Yn jimme gearkomste fan 18 juny 1985 (wurklistnümer 28) ha jimme
yn begjinsel besluten om:
a. de klaai-/waskromte yn de gymnastykseal yn Raard te ferbouwen
en in froulju's en manlju's húske yn dat gebou oan te bringen;
b. in brüsgelegenheid yn dit gebou te meitsjen.
Fierders is doe yn prinsipe besluten it nedige jild dêrfoar mei
de tiid fia in wiziging fan de gemeentebegrutting beskikber te
stellen. Dizze foarsjennings binne meiinnoar rûsd op 14.125,-
(19% b.t.w. ynbegrepen)
Sa as wy yn ús útstel fan 7 juny 1985, nú. 28 oanjûn ha, kin it
ûnder a neamde wurk betelle wurde út'e post "ûnderhâld frijsteande
gymnastyklokalen" op'e gewoane tsjinst fan de gemeentebegrutting
foar 1985 9.295, De foarsjenning ûnder b kin net betelle
wurde út'e begrutting foar 1985. Hjirfoar is in ekstra kredyt
nedich 4.830,
Omdat it om in gymnastyklokaal giet, dat benammen ek foar it ûnder-
wiis ornearre is, is op grün fan kêst E 42 fan de Oergongswet Wet
op it Basisûnderwiis it Ministearje fan Underwiis en Wittenskippen
frege foar de útfiering fan dit wurk tastimming te jaan. Yn syn
brief fan 28 oktober 1.1., nûmer BO/H/B-721564 hat de Steatssik-
taris fan dat Ministearje syn tastimming jûn. De folsleine kosten
foar dizze boukundige foarsjennings binne troch him oanfurdige
oant in bedrach fan 14.500,ta (ynbegrepen b.t.w. en priisûnt-
jouwing 1985) en sille troch it ryk oan'e gemeente fergoede wurde
(jierlikse fergoeding).
No't it ryk mei ús plannen foar de gymseal yn Raard akkoart gien
is, stelle wy jimme út yn dit ferbân in ekstra kredyt beskikber
te stellen fan 14.500,(bedrach ryksfergoeding)
In mankemint yn'e gymnastykseal yn Raard is noch wol, dat der
gjin inkelde fentilaasjemooglikheid is. De stifting sportbelangen
Raard/Poppenwier hat hjir lêstendeis ek noch wer ris op wiisd.
Troch de konstruksje fan de finsters en de beskermjende gaasrekken
oan'e binnenkant is it praktysk net mooglik om fia de bûtekezinen
in fentilaasje te krijen, dyt goed wurket. De iennichste oplossing
is om in fentilator oan te bringen. De kosten dêrfan binne likernôch
2.650,(19% b.t.w. ynbegrepen). Yn dizze priis is begrepen in
saneamde timer, wêrmei de fentilator automatysk útskeakelt, wanneart
de tiid, dy't ynsteld is, foarby is. Hjirmei kin ek ünnedich ener-
zjyferlies foarkommen wurde.
