- 2 -
Wartena
Roordahuizum tsjin
Poppingawier net tsjin
Oldeboorn tsjin
net tsjin
in heap kosten en in protte
drokte
goed oer de konsekwinsjes nei-
tinke
betingst: de nije namme moat
wittenskiplik ûnderboud
wurde kinne
op grûn fan de miening fan de
middenstân (ûndernimmers en
bedriuwen)
Us konklúzje is dat hjirút net of te lieden is hoe't ús ynwenners
oer it feroarjen fan de doarpsnammen tinke.
In oare réaksje kaam fan it postdistrikt en it telefoandistrikt
Ljouwert. Dizze beide bedriuwen heakken yn op in parseberjocht
oer it advys fan de kommisje. De problemen, dêr't beide ynstansjes
foar komme te stean by it ynfieren fan ientalige Fryske plaknammen
wurde breed útmetten. Der soene beswieren wêze fan administratyf-
technyske aard. Fierder soe it harren nochal wat komme te kostjen
en der wurdt al fêst in finansjele kleem fan in pear hûndert-tûzen
gûne neamd, dy't oan de opdracht joüwer fan de feroaring yn rekken,
brocht wurde sil, bygelyks oan bedriuwen, werûnder de nutsbedriuwen.
It postdistrikt en it telefoandistrikt Ljouwert binne fûl op in
feroaring tsjin. Hja fine dat in beslútfoarming oer it wizigjen
fan nammen fan wenplakken net foarby gean mei oan de fraach oft
it nut (it doel fan de feroaring) wol opwaget tsjin de maatskiplike
effekten en de oerlêst -faken oer langere tiid- dy't oaren hjirmei
oandien wurdt. Wy ferwize nei it brief, dat by de riedsstikken
op besjen leit.
Wy hawwe it brief foar advys foarlein oan it provinsjaal bestjoer.
Deputearre Steaten hawwe ús dêrop de ried jun om ús mar net al
te folie fan it brief oan te lûken. De gemeenteried, sizze hja,
hat it foech de nammen fêst te stellen en oaren hawwe har der oan
te hâlden, sûnder finansjele kleems lizze te kinnen.
4. It oerlis.
De kommisje hat ek oerlis hân mei in trijetal ynstansjes. Dat binne
de Nederlânske Spoarwegen (yn ferbân mei de stasjonsnamme Grou—
Jirnsum), de A.N.W.B. 'yn ferbân mei de buorden) en de P.T.T. (yn
ferbân mei de adresbestannen fan telefoan en girotsjinsten)
De N.S. reagearje neutraal. Dat wol sizze dat men in riedsbeslút
ôfwachtetmar dat dêrnei ek folgje sil. Men is ree om de namme
te feroarjen, as de kosten dêrfan, dy't beheind bliuwe ta it fer
oarjen fan de nammebuorden, foar rekken fan de gemeente naam wurde.
By tafal binne de stasjonsnammebuorden ynkoarten dochs oanit ferfangjen
ta. De Minister moat de nije namme goedkarre.
De A.N.W.B. ferwachtet betizing, om't net alle A.N.W.B.-buorden
yn ien kear feroare wurde kinne (te dj oer) en om't dyjinge dy't
net yn Fryslân bekend is dan yn oare doarpen telane komme sil (tinkt
er) as de A.N.W.B.-buorden oanjouwe. De A.N.W.B. wol ekstra kosten
allinne meitsje, as de gemeente der goed foar is.
Fan'e kant fan de P.T.T. waard gans mear tsjinaksele. De feroarings
yn de adresbestannen binne net om'e nocht, net yn tiid en net yn
jild. De gemeente kin him mar klear meitsje op in foarse dekla-
raasje.
