- 3 -
5. Oerwegings fan it kolleezje.
Wy binne it iens, mei it advys fan de kommisje om (no noch)
net de Nederlânsktalige strjitnammen te feroarjen. De neidielen
(argewaasje en kosten) binne neffens ús grutter as it effekt,
alteast op dit stuit.
Mei it advys oangeande it fêststellen fan Fryske doarpsnammen
binne wy it net iens omdat op basis fan de ynformaasje dy't
no beskikber is (noch) net ta it ynfieren fan Fryske doarpsnammen
oergien wurde kin.
It advys fan de kommisje wize wy dus of, om't der net genôch
ynformaasje is oer de miening fan de befolking (hat dy hjir
wol ferlet fan en binne dy harren bewust fan de neidielen) en/of
om't der dochs nei oanlieding fan de réaksjes fan de ferienings
fan Pleatslik Belang fraachtekens set wurde kinne by it ferlet
fan feroaring.
Wy bliuwe it advys fan de kommisje ôfwizen, ek nei de gearkomste
fan de earste ôfdieling fan 7 oktober lêstlyn (it ferslach
leit by de riedsstikken)De ôfdieling wol no fuort wol in
beslút nimme en dúdlikheid jaan. In grutte mearderheid is foar
Fryske plaknammen. Wy binne der lykwols net fan oertsjûge, dat de
befolking, dy't mei de gefolgen fan it beslút te krijen hat,
hjir no sa'n ferlet fan hat. Wy wolle derby dúdlik stelle, dat
wy op himsels net tsjin feroaring fan de nammen binne, mar
dat wy as der sa'n beslút naam wurdt, graach witte wolle oft
it draachflak dêrfan wol grut genoch is, benammen yn de doarpen,
dêr't de namme yngripend fan feroarje soe.
Noch dúdliker sein: wy soene de nammen net feroarje wolle om it
Frysk en de Fryske kultuer te stypjen (alteast dat is net de
wichtichste reden); wy soene wol ta Fryske nammen oergean wolle,
as oannimlik makke wie, dat fierwei it grutste part fan ús
ynwenners dat sa ha we.
Wy wienen fan betinken dat fierwei it grutste part fan ús ynwenners
yndied graach Fryske nammen hawwe woe, omdat hja yn tinken en
fielen Frysktalich binne, mar wy binne wat skruten wurden fan
de réaksjes fan de ferienings fan Pleatslik Belang en freegje
ús no of oft wy de minsken ek eat optwinge, dêr't hja gjin ferlet
fan hawwe. Dat wolle wy graach foarkomme. It soe mar in grutte
reboelje jaan en de saak fan it Frysk (om dy ynfalshoeke no
dochs mar even te nimmen) mear skea as goed dwaan.
6Utstel
Om mear en better ynsjoch te krijen yn de miening fan de ynwenners,
stelt ús kolleezje út om in (konsultatyfreferindum te hâlden,
tagelyk mei de riedsferkiezings fan maart 1986.
Op grûn fan it resultaat kin dan in neiere ôfwaging pleatsfine
tusken foar- en neidielen.
Boargemaster en wethâlders fan Boarnsterhim,
de siktaris, de loko-boargemaster
P.H. Starreveld. D. van Gorkum.
