GEMEENTE BOARNSTERHIM
16. Utstel ta it fêststellen fan
in tariedingsbeslút op grûn
fan kêst 21 fan de Wet op de
Romtlike Oardering foar it útfieren
fan maatregels tsjin it slûpferkear
op de Bûtlânswei en de Harstawei.
Oan de ried.
Grou,19 november 1985.
Yn jimme gearkomste fan 18 juny 1985 is besletten maatregels te
nimmen yn it ramt fan it projekt "Slûpferkear Bûtlânswei". De oanlis
fan de kearlussen, sa hat it ús bliken dien by de fierdere tarieding
fan de útfiering fan de maatregels, passé net alhiel yn it bestim-
mingsplan (fan foarhinne Raerderhim).
In part fan de kearlussen komt te lizzen op perselen dy't ornearre
binne foar "agraryske doelen (gebiet II)" om't de streek grûn mei
de bestimming "dyk" net breed genôch is.
Om dy maatregels útfiere te kinnen, sil dizze planologysche behindering
weinommen wurde moatte. Dit kin troch it jaan fan frijstelling
neffens kêst 19 fan de Wet op de Romtlike Oardering. Dy proseduere
kin lykwols net earder folge wurde as neidat jimme ried op grûn fan
kêst 21 fan de Wet ope Romtlike Oardering besletten hat om te
ferklearjen dat foar dizze perselen in bestimmingsplan(-wiziging)
tarêd wurdt.
Yn ferbân mei de fuortgong fan de útfiering fan de troch jimme
ried fêststelde maatregels oangeande de ferkearsproblematiek op
de Bûtlânswei en Harstawei, stelle wy jimme ried út in tariedingsbe-
slút te nimmen neffens it by de riedsstikken lizzende ûntwerp-beslút
en merkte tekeningen.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.
