w
15. Utstel om meiwurking te ferlienen
oan it bestjoer fan de RK-basis-
skoalle "St. Martinus" yn Wergea
in kopiearapparaat oan te túgjen
en gjin meiwurking te ferlienen
foar it oantúgjen fan in casettere-
corder
GEMEENTE BOARNSTERHIM
Oan de ried.
Grou, 6 desimber 1985.
It bestjoer fan de stifting RK-basisskoalle Wergea/Warten en omkriten
"St. Martinus" yn Wergea hat in fersyk dien om meiwurking te ferlienen
neffens kêst 72 fan de Wet op it Basisûnderwiis (bedoeld wurdt
kêst 74 WBU), foar it oantúgjen fan in kopiearapparaatMen is
de miening tadien dat soksoarte apparatuer op in skoalle thús heart.
In oare motivearring fan it fersyk is, dat benammen foar de wat
lytsere basisskoallen it gebrûk fan in stinselapparaat nochal wat
tiid mear freget as in kopiearapparaat. It tal te fermannichfâldigjen
eksimplaren sil yn'e regel beheind wêze. Dit argumint pleitet sterk
foar in kopiearapparaat.
Fierders wol men graach in cassette-recorder oanskaffe as ûnderstiping
fan it taalûnderwiisWy binne fan miening, dat gjin meiwurking
ferliend wurde kin om in cassette-recorder oan te skaffen. Yn 1968
hat de ried fan de eardere gemeente Idaarderadiel alris meiwurking
ferliend om in band-recorder oan te túgjen. Wy binne fan miening,
dat de cassette-recorder út'e ferfangingsreservearring fan de band
recorder betelle wurde moat. No't alris meiwurkig ferliend is om
in bandrecorder oan te túgjen, is der nei ús betinken gjin romte
mear, om meiwuking te ferlienen in cassette-recorder oan te skaffen.
Oars stiet it mei it kopiearapparaat. Op dit stuit is der wol in
stinselapparaat oanwêzich yn'e skoalle, mar dit apparaat is mei
eigen middels oanskaft. Ek in stinselynbrânapparaat is yn gearwurking
mei de iepenbiere basisskoalle fan Wergea oantúgd mei eigen middels.
It ryksbekostigingsstelsel giet der fanút, dat fermannichfâldigings-
apparatuer ta de noarmynrjochting fan in skoalle heart. Men hat
derby it kar út in stinselapparaat en in stinselynbrânapparaat
of in kopiearapparaat. It is dus it ien of it oar. It bestjoer
fan de RK-basisskoalle hat har útsprutsen foar in kopiearapparaat.
Omt<dit de earste kear is, dat meiwurking frege wurdt om sa'n apparaat
oan te túgjen, is der neffens ús gjin behindering, de frege meiwurking
te ferlienen.
Gearfetsjend stelle wy jimme út:
1. gjin meiwurking te ferlienen om in cassette-recorder oan te
túgjen, om't it om ferfanging giet;
2. wol meiwurking te ferlienen om in kopiearapparaat oan te skaffen,
om't it hjir om in earste ynrjochting giet en de oanfraach foldocht
oan de normale easken te stellen oan it jaan fan basisûnderwiis
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.