- 10 -
De stânpunten wiene yn grutte linen wol gelyk, mar der wie te min
betrouwen yn de realisearring fan de gearwurking. Op oanrieden fan de
kommisje hat der fan'e middei wer in gearkomste west fan alle kolleezjes
en dêrút die bliken dat der net genôch betrouwen mear wie foar fierdere
gearwurking
It kolleezje fan Boarnsterhim fynt dat tige spitich.
Boarnsterhim wie der noch mar krekt by. Fierder wie de Schoterwerven
in lyts gearwurkingsferbân en it kolleezje hie de hope dat der yn dat
fermidden wolris wat mear mooglik wie as allinnich de wetlik opleine
taken
No't dat net mear mooglik is stelt sprekker út om moarn yn de harksitting
nei foaren te bringen dat de foarkar útgiet nei oansluting by Noard
op grun fan bestjoerlike en maatskiplike binings. Dêrmei slút de gemeente
him oan by in grutskalige regio en de mooglikheid om yn mear saken gear
te wurkjen as wetlik oplein, sil ta in minimum beheind wurde, neffens
sprekker
It is wol goed dat dêr no noer praat wurdt, sadat dúdlik is hokker stân-
punt der moarn ferwurde wurde moat.
De hear Van den Berg fynt it spitich dat it de fjouwer gemeenten net
slagge is om ta oerienstimming te kommen. In regio is der foar om dy
saken te regeljen dy't in gemeente allinnich eins net oankin. Op jildlik
mêd jout dat ek in besparring. Der is yndertiid foar gearwurking keazen
mei de Schoterwerven om't dat lyts en te oersjen wie en dat de gemeente
dêr ek foar in grut part op oriëntearre is.
Sjoen alle swierrichheden dy't der al west hawwe mei it by'ïnoar
bringen fan alle taken fan de tri je âlde gemeenten, fynt hy dat it oer-
bringen fan taken nei Noard tige hoeden barre moat.
De hear Damsma seit dat dit te foarsjen west hie. Hy hat der ek hyltyd
foar warskôge om net te gau by in regio oan te sluten. Syn fraksje is
noch altyd fan betinken dat dizze grutte, bestjoerskrêftige gemeente
net by in regio oansluten hoecht te wêzen. As der do'chs foar in regio
keazen wurde moat, moat in kar foar Súd-West ek yn omtinken hâlden wurde.
It wurdt no allegear wol grutskalich en sprekker hat grútsjen heard
dat der plannen binne om Fryslân yn twa regio's te ferdielen. Dat hoecht
foar him alhiel net. Dan soe it better wêze om de taken dy't de gemeenten
net oan kinne oer te dragen oan de regio Fryslan.
Sprekker fynt dat de kar foar Noard net te gau makke wurde moat. Der
moat goed besjoen wurde hoe't it dan allegear moat. Hy is lykwols fan
betinken dat in kar foar Noard wol better is as in kar foar Schoterwerven.
De hear Terra fynt it spitich dat nei sa'n koarte tiid, nei't der in
kar makke is foar Schoterwerven, dizze regio brekslacht. Dêrtroch is
hy wol wat huverich wurden foar gearwurking yn in regio. Der sil wol
net oan te ûntkommen wêze en dêrom tinkt hy dat it ferstannich is om
sa min mooglik fan it takenpakket oan te nimmen. Besykje safolle mooglik
taken seis te dwaan. As der in kar makke wurde moat, dan soe it foar
Noard wêze moatte, om't de gemeente foar in grut part op Ljouwert
oriëntearre is.
Mefrou Aukes seit dat der yndertiid foar de Schoterwerven keazen is
fanwege de lytsskaligens. Yn in lytse regio soe it faaks better mooglik
wêze om de eigen identiteit te hâlden. De gearwurking is lykwols net
slagge, miskien ek om't men it te profesjoneel oanpakke woe? Har fraksje
is foar in regio dêr't de wetlik opleine taken útfierd wurde en dêr't
allinnich ekstra taken dien wurde dy't troch de gemeenten oanjûn wurde
en net dy't fan boppe óf oplein wurde. It kiezen foar in regio bliuwt
dreech foar Boarnsterhim om't dizze gemeente krekt yn't midden fan Fryslan
leit en yn feite alle kanten op kin. Sprekster wol fierder in kar foar