W
20. Utstel nammejouwing iepenbiere
basisskoallen Sibrandabuorren,
Terherne, Warten en Akkrum.
i£rm>
GEMEENTE BOARNSTERHIM
Oan de geméenteried
Grou, 7 febrewaris 1986
Yn de earste moannen nei de yntegraasje fan it beuker en leger
ûnderwiis is troch jimme ried fan in tal skoallen de namme op'e
nij fêststeld. Lykwols noch net fan alle skoallen, sa as:
- De iepenbiere basisskoalle fan Sibrandabuorren.
Dizze skoalle brûkt as namme, "De Lege Geaën"Foar safier't
wy neigean kinne, is dizze namme nea troch de gemeenteried fan
de eardere gemeente Raerderhim fêststeld. Der is lykwols gjin
inkelde reden om de namme te feroarjen, ek net fan de kant fan
de meikedizingsried.
Wy stelle jimme dan ek út om de namme "De Lege Geaën" oan te
hâlden.
- De iepenbiere basisskoalle fan Terherne.
De namme fan de eardere legere skoalle wie, "It Kampke". Ek yn
de nije sitewaasje kin dizze namme neffens ús wol bestean bliuwe.
Wy stelle jimme dan ek út om dizze namme oan te hâlden.
- De iepenbiere basisskoalle fan Warten.
De meikedizingsried fan dizze skoalle slacht foar om de namme
fan de eardere legere skoalle oer te nimmen. Wy stelle jimme
dan ek út om foar de iepenbiere basisskoalle fan Warten de namme
"De Finne" oan te hâlden.
- Iepenbiere basisskoalle Akkrum, foarhinne Juf Boeremaskoalle/It
Beukerhof.
Tillefonysk hat de direkteur sein, dat men graach de namme "Juf
Boerema-basisskoalle" oanhâlde wol. Dat is troch de meikedizingsried
skriftlik befês:tige Wy binne lykwols fan betinken, dat dêrmei
ôfbrek dien wurdt oan de persoan Juf Boerema, dy't har jierrenlang
ynsetten hat foar "har" skoalle. De meikedizingsried kin hjir
wol ynkomme en dan ek net tsjinwarje as it "Juf Boeremaskoal-
le" wurdt.
- Iepenbiere basisskoalle Master Wielsmaskoalle/It Roefke yn Grou.
Om't dizze skoalle op dit stuit noch in dislokaas je hat (twa
gebouwen), wol men graach foarearst beide nammen oanhâlde. Wy
kinne hjir wol ynkomme en binne fan betinken, dat wannear't dizze
skoalle mei de tiid yn ien gebou húsfeste is, wol tawurke wurde
kin om ien namme oan te hâlden.
