W
22. Utstel om in kredyt beskikber
te stellen foar de iepenbiere
basisskoalle yn ferbân mei ynfie-
ring fak ingelsk.
GEMEENTE BOARNSTERHIM
Oan de gemeenteried.
Grou, 7 febrewaris 1986.
Mei yngong fan 1 augustus 1986 wurdt ingelske taal in ferplicht
fak op de basisskoalle. Sadwaande moatte foar dat fak de nedige
learmiddels oantúgd wurde. Sa't bliken docht út kêst E 44 fan de
Oergongswet Wet op it BasisQnderwiisgiet it om de earste ynrjoch-
ting. It beskikber stellen fan in ekstra kredyt foar it fak ingelsk
troch jimme ried, binnen de noarmen fan de Ryksfergoeding, is dan
neffens ús betinken ek op syn plak.
Oan't no ta hawwe trije fan de tolve iepenbiere basisskoallen yn
ús gemeente om in ekstra kredyt frege. Dat binne de iepenbiere
basisskoallen "De Lege Geaën" yn Sibrandaburen, "De Finne" yn Warten
en de "Dokter Eeltsje Halbertsmaskoalle" yn Grou. De oanfragen
lizze foar jimme ried by de stikken op bes jen. Wy ferwachtsje,
dat ynkoarten de oare skoallen ek wol mei in oanfraach komme sille.
Nei oanlieding fan dizze oanfragen, diele wy jimme miei"dat in hoart
lyn de learkrêften fan it iepenbier- en bysûnder ûnderwiis yn ús
gemeente harren oriïntearje kinnen ha op in tal metoades foar it
fak ingelsk. Dizze gearkomste waard organisearre troch it mienskiplik
sintrum foar ûnderwiisbegelieding. Op dizze gearkomste is in taljoch-
ting jûn op inkelde metoades, werûnder dy mei in saneamde kommunikati-
ve ynslach.
Mei it each op it finansjeel aspekt, achtsje wy it wichtich, dat
safolle mooglik in lyklûdich learmiddelpakket ingelsk troch de
skoallen oantúgd wurdt. Yn alle gefallen sille de kosten net heger
wêze meie as dat de LONDO-noarmen foarskriuwe. Dat soe oars betsjutte,
dat de gemeente út eigen middels bypasse moat,dan wol datit jierliks
learmiddelkredyt fan de skoalle hjirmei ekstra belêste wurde moat.
Pas mei yngong fan 1 augustus oansteande krije de gemeenten in
fergoeding foar it fak ingelsk. Dat is de fergoeding foar de earste
ynrjochting. Wannear't de metoade mei de tiid fersliten is, sil
ferfanging út de eksploitaasjefergoeding fan it Ryk bekostige wurde
moatte. Hoewol 't de kommisje LONDO hjir yn earste oanrin wol fan
útgien is, wurdt fan it Ryk gjin aparte ferfangingsfergoeding foar
it ûnderwiislearpakket foar it fak ingelsk ûntfongen. Soks út in
eachpunt fan besuniging.