19. Utstel ta it beskikberstellen
fan in kredyt yn ferbân mei
de stifting fan in bysûndere
basisskoalle yn Jirnsum.
GEMEENTE BOARNSTERHIM
Oan'e gemeenterie.
Grou, 7 maart 1986.
By jimme beslút fan 21 augustus 1984, nûmer 22, ha jimme it bestjoer
fan'e "Stichting Katholiek onderwijs" yn Jirnsum meiwurking ferliend
foar it tastânbringen fan in ferantwurd Onderkommen foar it bysûnder
basisûnderwiis dêre. Derby is der fanút gien, dat de katholike
basisskoalle ûnderbrocht wurde sil yn it eardere iepenbiere beuker-
skoallegebou oan'e Douwemastrjitte
By syn beskikking fan 22 april 1985, nûmer B0/KL/MZP-708965-E 84001412
hat de steatssiktaris fan ûnderwiis en wittenskippen op grûn fan
kêst E 42 fan'e Oergongswet Wet op it Basisûnderwiis tastimming
jûn om neamd beukerskoallegebouw foar de húsfesting fan'e bysûndere
basisskoalle yn Jirnsim yn gebrûk te nimmen en út te wreidzjen mei
50 m2 Dêrnjonken hat de steatssiktaris tastimming jûn foar in
tal oanpassings fan dat skoalgebou. De kosten fan ien en oar binne
troch de steatssiktaris oanfurdige ta in bedrach fan 126.000,
Yn oansluting op dy beskikking ha jimme yn jimme gearkomste fan
15 oktober 1985 foar it útwreidzjen en oanpassen fan it eardere
beukerskoalgebou de maksimale ryksfergoeding fan 126.000,as
kredyt beskikber steld.
Underwilens hat de steatssiktaris nei oanlieding fan in brief fan
it skoalbestjoer by syn beskikking fan 5 febrewaris 1986, nûmer
B0/H/B 723862 E/8507101 bepaald, dat de boukundige foarsjennings,
dy't op grûn ^fan'e beskikking fan 22 april 1985 oanbrocht wurde
soene, as folget wizige wurde sille:
1. it ferlytsjen fan it boarsterswurklokaal en it oanpassen ta
1 leslokaal;
2. it gearfoegjen fan in boarsterswurklokaal mei in lokaaldiel
en it oanpassen ta mienskipsromte
3. it meitsjen fan in lokaal troch útwreiding mei 50 m2 en oanpassing
ta leslokaal;
4. it oanpassen fan twa toiletgroepen foar de boppebou;
5. it foar in part oanpassen fan it boartersplak foar de boppebou,
dêrûnder begrepen it meitsjen fan in fytsstalling.
De kosten fan dy foarsjennings binne troch de steatssiktaris oanfur
dige ta in bedrach fan 157.000,(priis b.t.w. ynbegrepen; priis—
peil 1986). Dy kosten sille oan'e gemeente fergoede wurde troch
de wei fan in jierlikse fergoeding oerienkomstich de (O)W.B.U.
De ferklearring fan 22 april 1985 is dêrmei ferfallen.
