- 2 -
It liket ús it beste ta, dat foar de Master Wielsmaskoalle 65 nije
sets oantúgd wurde. Dêrtroch komme dan 42 taffeltsjes en 39 stuoltsjes
frij, dy't oer de oare skoallen ferdield wurde kinne. It minne
meubilêr kin offierd wurde. De mooglikheid is oanwêzich, dat fia
de service-ôfdieling fan Marko B.V. yn gearwurking mei de gemeente-
ferver de ridlike sets opkalefatere wurde. Op sa'n foet binne dy
meubels wer in oantal jierren brûkber. It meubiler yn'e bysûndere
basisskoallen yn Warten en Aldeboarn kinne ynearsten hanthavene
wurde.
No is it sa, dat der in kar makke wurde kin tusken twa typen lear-
lingesets. De iene set is ferstelber en de oare j.s dat net. Op
fersyk fan jimme ried hat der op'en nij oerlis west mei de ynspek-
teur foar it basisûnderwiis en de hear Boerema, skoaldokter by
de D.G.D.-Schoterwerven yn Wolvegea. Punt dêr't it om gong wie
yn hoefier binne ferstelbere learlingesets út medysk eachpunt wei
besjoen better as sets, besteande út in stoel mei burootsje dy't
net ferstelber binne. It materiaal dat oantúgd wurde moat is yn
it foarste plak ornearre foar de boppebou. De hichte fan de sets
is sadanich, dat de trochsneed learling him der goed mei réde kin.
Fansels ha ferstelbere sets ek foardielen. In foardiel is, dat
bygeiyks learlingen mei in handikap in soad baat hawwe kinne by
in ferstelbere set.
Dêrnjonken hawwe ferstelbere sets as neidiel, dat de bern it skriuw—
blêd ferstellen kinne. Dus, omheech, omleech, draaie of sakje litte.
Dat is bepaald net goed foar de rest yn de klas. Boppedat kinne
de bern boartsjendewei mei de fingers beknypt reitsje.
En last but not least, moatte de ferstelbere learlingesets oardel
kear safolle jilde as de "gewoane learlingesets".
Sadwaande binne wy fan betinken, dat de kar sawol út finansjeel
as ûnderwiiskundich medysk eachpunt wei besjoen, beheind bliuwe
moat ta learlingesets, besteande út in stoel mei burootsje. Der
kin de trochsneed learling him skoan mei rede. Yn bûtengewoane
gefallen kin dan op advys fan de skoaldokter ferstelbere learlinge
sets oantúgd wurde-.
Wanneart de learling dêr't de set foar ornearre is, nei ferrin
fan tiid fan skoalle giet, dan giet de set werom nei de gemeente.
Fierders is in brief útgien nei de iepenbiere basisskoallen om
gegevens fan learlingen. De reaksjes fan gâns skoallen binne fer-
wurke yn in oersicht dat foar jim by de stikken op bes jen leit.
Fan de oare skoallen hawwe wy neat heard.
Us konklusje is, dat de learlingen wat de hichte fan de sets oan-
belanget yn in rom jaske sitte.
Oangeande de nije sets, ha wy fan trije leveransiers fan learlinge
sets Qnderskate typen ûndersocht. In oersjoch fan dy typen lizze
foar jimme by de riedsstikken op besjen. Wy hawwe benammen achtslein
op priis, kwaliteit en de service, dy't nei de tiid ferliend wurdt.
Us konklúzje is, dat de twa béste typen learlingesets fan Marko
B.V. binne. De foardielen fan dy meubels binne: in goede kwaliteit,
de kostpriis 155,— it stik) leit tichteby de Londo-noarm
158,25) en men hat in goede service-ôfdieling. De modellen fan
Marko B.V., dy't yn'e beneaming komme, binne typen 12A en 12B.