GEMEENTE BOARNSTERHIM
12. Beswierskriften K. Hooisma en
J. van der Horst en frou tsjin
riedsbeslút ynfieren Fryske doarps-
nammen.
Oan de gemeenteried.
Grou, 6 juny 1986.
Hjirby jouwe wy jimme rie ús útstel om in beslút te nimmen op
twa beswierskriften tsjin it beslút fan de rie fan 19 novimber
1985 om Frysktalige plaknammen yn'e gemeente Boarnsterhim yn te
fieren. De beswierskriften komme fan de hear K. Hooisma fan Alde-
boarn en fan de hear en mefrou J. van der Horst-Van der Veen fan
Grou.
De kommisje foar de berops- en beswierskriften hat yn syn stik
fan 27 maaie 1986 oer de oanbelangjende kwestje advisearre. Wy
stelle jimme út om dat advys oer te nimmen.
Ut formele redens moatte de beswierskriften net-ûntfanklik fer-
klearre wurde. Foar it hoe en wêrom ferwize wy nei it advys fan'e
kommisje
De kommisje is fierders fan betinken dat jimme rie de beswierskriften
besjen kin as in berop fan'e boarger op syn rjocht fan petysje.
Sadwaande moat neigongen wurde oft der troch de boarger ek nije
feiten en omstannichheden ynbrocht binne dyt by earder hifkjen
net of amper in rol spylje koene.
Wy konkludearje, nei't wy it proses-ferbaal fan'e sitting fan'e
kommisje rieplachte hawwe, dat der gjin nije feiten en omstannich
heden oan't ljocht kommen binne. Jimme rie hat yn syn gearsit fan
19 novimber 1985 alle bekende feiten yn syn berie meinommen.
Dy konklúzje kin ek lutsen wurde yn ferbân mei de enkêtes fan de
Federatie van plaatselijke ondernemersverenigingen in Boarnsterhim
en pleatslik belang Jirnsum en it brief fan de hear P.W. Deelstra
fan Grou, dyt dêr yn jim beslút stipet.
De trije stikken fan hjirboppe binne koartlyn oan ús kolleezje
oanbean
Wy sprekke út dat wy ree binne om by it opstellen fan in ynfierings-
plan safolle mooglik mei de ynbrochte beswieren rekken te hâlden.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.
