GEMEENTE BOARNSTERHIM
18. utstel nei oanlieding fan in
konsept-moasje fan de fraksje
fan de F.N.P. oer de mooglike
finansjele konsekwinsjes fan
de ierdgaswinning yn Fryslân
en yn relaasje hjirmei oer de
gasprizen.
Oan de gemeenteried.
Grou, 8 augustus 1986.
Yn de riedsgearkomste fan 17 juny lêstlyn waard de behanneling
fan in konsept-moasje fan de fraksje fan de F.N.P. oer de kosten
fan ierdgaswinning en de gasprizen ferskood nei de gearkomste fan
19 augustus 1986
De moasje, yntsjinne op grûn fan kêst 25 fan it Reglemint fan Oarder,
is ús kolleezje yn hannen steld om advys.
Foar de dúdlikheid helje wy de tekst fan de ûntwerp-moasje noch
even oan. It stiet der sa:
"De ried fan de gemeente Boarnsterhim op 17 juny 1986 yn gearkomste
byinoar hat him dwaande holden mei de mooglik finansjele konsekwins-
jes fan de ierdgaswinning yn Fryslân en de gasprizen sa't dy yn
'e heine takomst fêststeld wurde sille.
Hy himt derby yn it omtinken:
- dat Fryslân in skat oan ierdgas yn 'e boaiem hat;
- dat tal fan gasferbrûkers it gas tsjin in legere priis ôfnimme;
- dat eartiids by de koalewinning yn Limboarch it fynplakfoardiel
gou;
- dat dêrtsj inoer yn Fryslân fan in fynplakfoardiel noch hieltiten
gjin sprake is;
- dat de skea dy't Fryslân ûnderfine kin troch de gaswinning ek
noch net regele is;
- dat Fryslân troch syn gasfoarrie troch de Europeeske Mienskip
as te ryk beskôge wurde kin lykas in part fan Grinslân en jildlike
stipe dan fan Europeeske Fûnsen net mear mooglik is.
Hy stiet der op grûn fan boppeneamde oerwagin^ by it kolleezje
op oan prikken yn it wurk te stellen om de gaspriis foar Fryslân
10 s. leger fêststeld te krijen.
Hy freget it kolleezje dizze moasje ûnder de oandacht te bringen
fan de kabinetsformateur, fierders oan alle oare gemeenten yn
Fryslân en oan it provinsjaal bestjoer fan Fryslân mei it fersyk
dêr adheesje oan te bestjûgjen en giet oer ta de oarder fan de
dei"
Wy binne fan betinken, dat de ried de moasje net oernimme moatte
soe
Wy fine net dat der in ferbân leLn wurde moat tusken de gaspriis
en de skea dy't tabrocht wurdt oan de om jouwing fan it fynplak
troch it sak jen fan de boaiem. De skea moat op in oare wize fergoede
wurde as troch in legere gaspriis, bygelyks troch fûnsfoarming
as ferplichte ûnderdiel by de konsesjebetingsten.
