- 2 -
De skoallen soene seis de hichte fan it budzjet bepale moatte.
Sa as hjirfoar al opmurken is, giet de Wet op it Basisûnderwiis
fan in eigen beliedsfrijheid fan de skoalbestjoeren út. Dêryn
leit ek opsletten it foech om de ûnderskate fergoedingen nei eigen
ynsjoch te besteegjen. Wy binne it mei de Feriening fan Fryske
Gemeenten iens, dat men net oan de útgongspuntendy't saniis
ûnder a. en b. neamd binne, komme moat.
It oernimmen fan it stânpunt fan de Feriening fan Fryske Gemeenten
betsjut, dat der tusken de iepenbiere bibleteek en it bysûndere
skoalbestjoer bilateraal in regeling troffen wurde moat. Itselde
jildt foar it gemeentebestjoer oangeande it iepenbiere ûnderwiis.
Mei achtslaan fan it stânpunt fan de Feriening fan Fryske Gemeenten
(beliedsfrijheid foar de foechhawwende gesaggen) keppele oan'e
opset fan de Sintrale Bibleteektsjinst betsjut dat, dat under
ferwizing nei it oanbelangjende oersjoch foar de 12 iepenbiere
basisskoallen (leit teffens by de rieddstikken op besjen) troch
ús gemeente oan abonnemintsjild in bedrach fan meimekoar 2.725,
foar 1986 betelle wurde moat. Op grûn fan it nije bekostigingsstelsel
sil de ryksfergoeding op dit mêd foar de 12 iepenbiere basisskoallen
meimekoar 4.649,25 wêze, sa as oanjûn is yn it neamde oersjoch.
Der bliuwt op dizze manear fan de ryksfergoeding noch 1.925,25 oer
4.649,25 - 2.725,
Wannear't dat bedrach omslein wurdt oer de 12 iepenbiere basis
skoallen yn ús gemeente op grûn fan it folsleine tal learlingen,
kriget eltse skoalle 1,37 it bern foar it oantugen fan boeken.
Om't de gemeente oant no ta de kosten fan'e skoaldokumintaasje
betelle, dus bûten it learmiddelenkredyt om, liket it ús net unridlik
ta om dy 1,37 te ferheegjen oant 2,it bern.
De ryksfergoeding foar it Onderwiislearpakket jout de romte dêr wol
foar.
Ien en oar is koartlyn bepraat yn'e tredde ôfdieling fan jimme
ried, dy't him mei dy opset lykfine kin.
Fierders hawwe wy de bestjoeren fan'e bysûndere basisskoallai yn'e
gemeente fan'e finânsjele werstrukturearring fan'e skoalbibleteek-
foarsjenning, sa as dy no beëage wurdt, skriftlik op'e hichte
brocht. Dêryn is ek oanhelle, dat wy jimme ried yn'e gearkomste
fan 19 augustus oansteande útstelle sille om neffens it boppesteande
in beslút te nimmen.
In kopy fan dat brief, dy't ek by de riedsstikken op besjen leit,
hawwe wy stjoerd oan'e Sintrale Bibleteektsjinst te Ljouwert en
de direkteuren fan'e iepenbiere basisskoallen yn ús gemeente.
Gearfetsjend stelle wy jimme út om it abonnemintsjild foar de
bibleteekfoarsjenning foar de iepenbiere basisskoalle foar rekken
fan'e gemeente te nimmen 2.725,en it bedrach fan'e ryksfergoe
ding dat oerbliuwt, (meimekoar 4.649,25) oer dy skoallen, mei
it tal learlingen as ferdielkaai te ferdielen, lykwols mei dy
beheining, dat dat bedrach fêststeld wurdt op 2,it skoalbern.
It Ontwerp fan it beslút, dat yn dat ferbân nommen wurde moat,
leit by de riedsstikken op besjen.
Boargemaster en wethâlders fan Boarnsterhim,
de siktaris, de boargemaster,
P.H. Starreveld B.G. Holtrop