- 3 -
De hear Van der Baan seit dat net allinne by Poppenhuzen in protte
bulkweinen steane. Yn Akkrum steane se geregeldwei tusken it fiadukt en
it Melkerspaad. Hy mient te witten dat as it yndustryterrein yn Akkrum
klear wêze soe de weinen dêrhinne moatte soene.
Wethâlder Breeuwsma seit dat it sa is dat der op ferskate plakken yn
it bûtengebiet wolris op'e bus wachte wurde moat. It soe dan wol
nijsgjirrich wêze om fan de FRAM ris te hearren hoefolle minsken
gebrûk meitsje fan de bus. Fakentiids is it sa dat der in pear jier
wat mear minsken de bus nimme en dan sakket it wer 3f. Dêrom moat wol
goed Ôfweage wurde wêr't sa'n wachthokje it meast fertuten docht.
Boppedat binne wachthokjes yn it bûtengebiet ek noch wolris it doel
fan fernielings.
It is wol op'e winskenlist set om de needsaak dêrta te besjen.
Foarearst kin eins net fierder gien wurde. By Poppenhuzen steane no
meastentiids weinen fan'e Zuid-oost-hoek. Noord-Nederland hie hy al
sprutsen, mar dy weinen steane no yn Aldeboarn, sa is him sein. In
parkearplak by Poppenhuzen oan'e trochgeande dyk liket him wat frjemd,
om't sokke parkearplakken eins bedoeld binne foar it útwiken fan it
normale ferkear.
Der hat mei Noord-Nederland wol oerlis west oer it brûken fan it
bedriuwsterrein yn Aldeboarn. Yn it tillefoangesprek dat hy mei harren
hân hat wiene hja wol wat posityf, it brief lykwols dat hy hjoed sjoen
hat giet alhiel de oare kant út. Der sil dus noch wol in petear weze
moatte. Hy hat begrepen dat der in oerienkomst mei de SPAR is, hja
meie it SPAR-terrein brûke. Der is nea sprake fan west dat der in plak
op it yndustryterrein fan Akkrum komme soe. De frachtauto's steane ek
net altyd op dat stikje Boarnsterdyk tichteby it fiadukt. Nimt it wol
slimme foarmen oan dan moat de polysje ynskeakele wurde.
De hear Bethlehem wiist der nochris op dat de minsken seis meiwurkje
wolle oan it realisearjen fan it wachthokje. It giet op't stuit om
sa'n 12 as 14 bern, dy't eltse sei nei skoalle yn Akkrum of Drachten
moatte. Hy is bliid dat der oan wurke wurdt dat op it yndustryterrein
yn Aldeboarn in plak foar frachtauto's komt. It let neffens him neat
dat op in parkearplak by Poppenhuzen, de berm is der breed genoch, sa
ut en troch ek in persoane-auto stiet.
De hear Van der Baan tinkt dat der mear yn stêd en doarp as yn it
butengebiet fernielt wurdt oan bushokjes. Kin it P.M.S.W. net
meihelpe? By eintsjebeslut wurdt it iepenbier ferfier stimulearre.
Mefrou Watzema seit dat de frachtauto's meastentiids op it gemeentlike
fytspaad by de SPAR steane en dat is net sa't it heart.
Wethilder Breeuwsma seit oerlis mei de bewenners fan Poppenhuzen ta.
Hy wit net oft it mooglik is mei bydragen fan de minsken soks te
realisearjen, deroer sil it kolleezje him nochris bûge. De berm is
mooglik breed genôch, it plak is yn in grutte bocht, net it meast
geskikteHy wol lykwols gemeentewurken noch wol om in advys dêroer
f reeg je. Miskien is hy yndied wol mis mei de opmerking oer de
fernieling fan bushokjes.
Hy tinkt net dat it in taak fan it P.M.S.W. is en hâld him dwaande mei
it meitsjen fan bushokjes. Oer it bruken fan it fytspaad by de SPAR
sil hy kontakt opnimme mei Noord-Nederland.
Punt 15.
Mefrou A. Zijlstra seit dat it kolleezje ferline jier tasein hat foar
it nije skoaljier, dat juster al wer begûn is, te kommen mei in útstel
oer de lienen yn de gemeente en dan benammen it Albadaleen. Troch dit
lien is no jild beskikber steld foar it opknappen fan de tsjerke fan
Poppenwier