GEMEENTE BOARNSTERHIM
6. Utstel oer it ynfieren fan Fryske
plaknammen.
Oan de gemeenterie.
Grou, 7 jannewaris 1987.
Yn jim gearsit fan 19 novimber 1985 hawwe jim besletten om de nammen
fan de doarpen yn 'e gemeente offisjeel yn it Frysk yn te fieren.
Jim hawwe us doe opdracht jûn om in plan fan ynfiering te meitsjen
en dat oan jim oan te bieden.
Om't earst inkelde beswierskriften behannele wurde moasten hat it
wat duorre ear't wy sa'n plan meitsje koene. Mei de beswieren is
rekken hâlden by it ta stân kommen fan it plan.
Dêrnei rûn de amtlike wurkgroep dy't it plan meitsje moast, tsjin
swierrichheden oan yn ferbân mei it fasearjen fan it ferfangen en/of
oanpassen fan de buorden. Fierders hat de wurkgroep oantangele
sitten mei ûndúdlikens oer de kosten fan benammen it ferfangen fan
de buorden en mei de P.T.T. dy't neffens in brief net meiwurkje woe.
Op dit stuit binne de beide lêstneamde swierrichheden oer. Wilens
hat de A.N.W.B. de kosten fan it oanpassen en/of ferfangen fan de
eigen buorden trochjûn en hat de P.T.T. yn in parseber jocht te
witten dien dat er meiwurkje sil.
Us utstel oan jim bestiet ut trije ûnderdielen:
1. it fêststellen fan de doarpenammen
2. it fêststellen fan in ynfieringsskema
3. it utlûken fan kredyt.
ad. 1
De Geakundekommisje Boarnsterhim hat tenearsten opdracht krigen om
in list gear te stallen mei alle doarpenammen yn it Frysk yn de
krekte stavering. Dêrnei is dy list oan de Fryske Akademy om advys
foarlein. De Akademy koe mei de list ynstimme.
Op grûn fan die foarskiednis riede wy jim om de nammen as folget
fest te stellen:
Akkrum, Aldeboarn, Dearsum, Eagum, Friens, Grou, Idaerd, Jirnsum,
Tersoal, Nes, Poppenwier, Raerd, Roardhuzum, Sibrandabuorren,
Terherne, Tersoal, Warstiens, Warten, Wergea.
De stavering fan Idaerd en Raerd is hjir oars as dy fan de
Geakundekommisje (idaard en Raard). Wy miene nammentlik dat de
histoaryske kant fan de nammejouwing hjir swierder weagje moat as de
krektens fan de hjoeddeiske stavering mei aa. Tagelyk kin de
gemeente betizing te foaren komme mei it Raard by Dokkum.
ad2
Sa as hjirboppe al oanjûn is binne der swierrichheden sinjalearre,
wannear't it ferfangen fan de buorden fasearre plak fine soe. It
wichtichste argumint foar in fasearre ynfiering wie de ûnwissens oer
de kosten. De A.N.W.B. hat by brief fan 19 novimber 1986 in opjefte
fan kosten dien. De kosten meiinoar binne, lyk as ut'e brief, dy't
by de stikken op besjen leit, bliken docht 130.299,17 (b.t.w. net
ynbegrepen)
0001V 68