Imm
GEMEENTE BOARNSTERHIM
23. Utstel om kredyt beskikber te
stellen foar learmiddels iepenbiere
basisskoalle Raerd.
Oan de gemeenterie
Grou, 6 maart 1987
Fan de direkteur fan de iepenbiere basisskoalle Raerd hawwe wy it
fersyk krigen om in kredyt beskikber te stellen foar it oantûgjen
fan learmiddels foar de groepen fiif en seis.
Benammen yn de önderbou ha noch nea earder safolle learlingen sitten
as de léste jierren. Dêrfandinne dat yn april 1985 (riedsbeslút 16
april 1985) in kredyt beskikber steld is foar it oantúgjen fan
learmiddels foar de groepen trije en fjouwer. De oanwêzige
learmiddels foar eltse groep wiene berekkene op sa'n 12 bern. Dat
oantal skommelt no run de tweintich bern foar eltse groep yn de
önderbou. It giet hjir net sasear om in insidint, ek de groepen
dêrnei binne grutter as sljochtwei hinne. De gruttere groep(en) fan
1985 komt takommend skoaljier yn it fiifde en dêrnei sechsde
learjier.
Fandêr dat der no fersocht wurdt om jildmiddels foar ütwreiding fan
de learmiddels foar de groepen fiif en seis. It fersyk mei in list
fan learmiddels dy't nedich binne leit foar jim by de stikken op
besjen.
Wy binne fan betinken, dat it oantal atlassen foar beide groepen
beheind wurde kin ta 7 eksimplaren en dat de materialen foar
mienskiplik gebruk foar handenarbeid/tekstile wurkfoarmen ferfalle
kinne. Atlassen binne net sasear oan ien nivo bön, ûtwikseling is
derom wol mooglik. It oantal skjirren liket ûs ek wat al te rynsk en
foar ferbrûkmateraal wurdt gjin ekstra kredyt ûtlutsen. Ien en oar
is mei de direksje fan de skoalle bepraat. It oare materiaal dat
frege wurdt liket ûs wol reedlik ta, sadat wy jimme útstelle om in
kredyt fan 4.100,de b.t.w. dêryn beflapt beskikber te stellen.
Dat bedrach kin betelle wurde út it saneamde "kalamiteitenföns", in
reserve dêr't ek ferfanging/fernijing en ûnderhâld wol út betelle
wurdt. It is nammentlik sa, dat der gjin ryksfergoeding krigen wurdt
wannear't it giet om ütwreiding mei in pear learlingen. Der wurdt
dan gjin fergoeding foar earste ynrjochting önderwiislearpakket jön.
Yn it programma fan easken 1987, wurdt troch it ministearje tasein
om yn'e rin fan 1987 foar dit soarte saken mein in oplossing te
kommen. Mooglik dat wy dér wat oan hawwe, út finansjeel eachpunt
besjoen. Wy sille dat wannear't it safier is - neigean.
Boargemaster en wethâlders fan Boarnsterhim,
de siktaris, de boargemaster,
P.H. Starreveld. B.G. Holtrop.
0009V 5
