-3-
Yn it útstel wurdt útgien fan 3 korpsen wylst der no 4 binne.
Dat ropt allegear fragen en argewaasje op dêr't syn fraksje
fansels wol begryp foar hat. Lykwols hawwe hja besocht dit
útstel saaklik te besjen. De fraach derby is: op hokker wize
krije we sa'n grut mooglike feiligens foar de ynwenners foar in
priis dy't ek noch te dragen is.
Boarnsterhim hat net allinne in grutte oerflakte en in protte
kearnen mar ek in grut wettersportgebiet in spoarline, in
rykswei en in grut skipfeartswetter en dat stelt allegear sa syn
easken oan'e feiligens.
Utgeande fan dizze feiten kamen hja op syn minst twa korpsen
mei sa'n folslein mooglike útrissing oan wjerskanten fan it
Prinses Margrietkanaal yn Grou en Akkrum. Dat wie ek it stânpunt
fan'e brânwachtynspeksje yn 1985. Dizze korpsen moasten dan
útrist wurde mein in brânwachtautO/ in personiels- en
materiaalwein, heipark en in blusboat. Mei it útfieren fan dit
ynspeksje-advys fan 1985 binne we der net, omt we sitten bliuwe
mei in noardwesthoeke dy't fanút Grou en Akkrum besjoen achter
it kanaal, it spoar en de rykswei leit.
Om dêr in ridlike feiligens te hawwen soe der yn elts gefal in
nije bluswein komme moatte yn Raerd.
Dit freget foar dizze korpsen wol in tige grutte ynvestearring,
mar dy't yn de eagen fan syn fraksje wol ûnûntkomber is. It
útstel fan it kolleezje slút oan by dit plaatsje en syn fraksje
is dan ek sûnder betingsten foar.
Mar it plaatsje foar in goede brênwacht yn Boarnsterhim is mei
de 3 neamde korpsen lykwols net run. Der binne noch twa hoeken
dy't dan net alhiel optimaal befeilige wêze soene. Te witten
Warten/Wergea en Aldeboarn.
Warten benammen troch in tige hege opkomsttied (13 minuten) en
Aldeboarn troch dat dat doarp achter de spoarline leit. Dizze
beide tûkelteammen soenen eins ek oplost wurde moatte. Dat soe
kinne troch yn Aldeboarn en Warten/Wergea in buske mei in spuit
te setten en dêr 5 as 6 minsken te detasjearjen dy't dan wol by
de korpsen fan Grou en Akkrum hearre.
Hja tochten dat dat wol in goede oplossing wêze koe, om de
saneamde "earste klap" út te dielen.
Kosten hjirfoar rûsden hja op sa'n 30.000,op jierbasis. It
opsizzen fan it kontrakt mei Ljouwert soe dat bedrach hast
opsmite. In skoan útstel tochten hja, mar de deskundigen
reagearren sa'n bytsje kréatyf dat hy foarsjocht dat der yn'e
takomst net mear as twa korpsen betelle wurde kinne. Men gie
akkoart mei in blusienheid fan op syn minst 9 man en in wein fan
sa'n 125.000,
Dêrmei soe de jierlêst sa'n 80.000,wurde.
Hoewol't hja it idé fan detasjearring net min fine, der soe yn'e
kommende moannen noch wolris oer tocht wurde kinne, kinne hja op
dit stuit oars net as ja sizze tsjin it útstel fan it kolleezje
omt der jûn noch in ein komme oan wat mefrou Aukes "de
kameleonrige" neamde.
0019V 3
