- 3 -
It gemeentelik taalbelied kin, wat it ûnderwiis oangiet, útwurke
wurde yn de folgjende doelstellings.
1. Yn de piutteboartersplakken wurde de frysktalige bern opheind
en begelaat yn it Frysk.
2. Oan'e ein fan it basisûnderwiis kinne alle learlingen Frysk
ferstan en leze.
Ofhinklik fan de pleatslike taalsitewaasje kin derby komme
Frysk praten en skriuwen. Op alle skoallen wurdt Frysk as
fiertaal brûkt by ien of mear learstofgebiten, ofhinklik fan de
pleatslike sitewaasje en doelstellings.
3. Oan'e ein fan de basisfoarming yn it fuortset ûnderwiis
behearsje alle learlingen it Frysk yn de feardichheden
ferstean, lezen, praten en skriuwen.
Frysk wurdt as fiertaal brûkt by ien of in wikseljend oantal
fakken.
4. Yn it folwoeksene-ûnderwiis wurdt alfabetisearring likegoed yn
it Frysk as yn it Nederlênsk mooglik. Yn it foarmingswurk wurdt
Frysk as fiertaal brûkt.
Om dy doelstellings te berikken kin de gemeentlike oerheid foar de
ferskillende soarten fan ûnderwiis maatregels nimme, dy't nammers
lang net altyd (struktureel) jild kostje.
1. Foar de piutteboartersplakken kin de gemeente befoarderje dat
genôch fryktalich sjong- en foarlêsmateriaal beskikber is; en
derop oanstean dat de (takomstige) liedsters yn de oplieding,
dy't fersoarge wurdt troch de S.K.F., fertroud reitsje mei
begripen as twataligens en taalûntjouwing yn in twatalige
sitewaasje en befoarderje dat de (takomstige) pjutteliedsters
Nederlânsk en Frysk beide aktyf behearskje, Frysk brûke by har
aktiviteiten en derby ek frysktalich sjong- en foarlêsmateriaal
brûke.
2. Yn it basisûnderwiis kin de gemeente oan'e hên fan it
gemeentlike ûnderwiisbelied yn oerlis mei de ynspeksje foar it
basisûnderwiis stribje nei in minimum-oanbod Frysk yn de
skoallen likegoed as fak en as fiertaal; en fierders
stimulearje ta it brûken fan de metoades "Opstap" of "Eigen
Hûs" en ta it meidwaan oan it saneamde "Skoalle-eksamen" fan de
A.F.U.K.
It soe in ding fan belang wêze en jou geregeld, bygelyks om de
trije jier in foarljochting oan de âlden oer it hoe en wêrom
fan it Frysk yn it ûnderwiis.
De gemeente kin in foardrachtkriich organisearje foar de
learlingen fan alle skoallen yn de gemeente; san kriich kin ek
útwreide wurde mei in toaniel-, foarlês- en dichtkriich, wylst
de sportive komponint yn it organisearre fierljeppen, keatsen
en reedriden syn gerak krije kin.
De gemeente kin stimulearje ta it oantugen fan frysktalige
boeken foar de boekehoeke, en learmiddels en materialen
bygelyks foar sjongen, foardragen en dokumintaasjemateriaal
Yn it beneamingsbelied kin it gemeentebestjoer as befoege
gesach de oantekening Frysk easkje.
De gemeente kin mei rjocht en reden de eardere beukerliedsters
dy't gjin oantekening Frysk hawwe, oanpuonje om de
applikaasjekursus te folgjen.
002IV 29