-9-
Hy set in fraachteken by it beteljen fan efterstallich ûnderhâld
oer de kommende 10 jier út te smarren. Foar dit ûnderhâld hie
reservearre wurde moatten. Dizze operaasje fan in ton komt ús
meielkoar oardel ton te kostjen.
It gefaar bestiet dat bygelyks nei 6 jier al wer saken op'e nij
dien wurde moatte en dan rinne we alhiel op'e stomp. Hy fynt dit
dêrom net in ferstannige finansiering.
It liket him net mooglik 5 sportfjilden te renovearjen foar in
ton sjoen de rapporten oer de hjoeddeiske sitewaasje.
Hy fynt it ek in beswier dat dit útstel net yn'e ôfdieling
behannele is. Der is gjin begrutting en ek net in offerte
oerlein. Om dy reden soe it útstel werommoatte nei de ôfdieling.
It fernuvert him ek dat it ynisjatyfútstel dat troch him
yntsjinne is oangeande it brûken fan'e bestimmingsreserves foar
in totale renovaasje fan'e sportfjilden yn Grou op it âlde plak
noch neat fierder kaam is. It hie yn dizze diskusje meinommen
wurde moatten of seis miskien wol foarôf.
Hy sil dêrom tsjin dit útstel stimme.
Hy set ek noch fraachtekens by it feit dat it kolleezje seit dat
de bereiningsapparatuur no noch wol wachtsje kin.
En as der no aanst wer in drûge simmer komt, wat dan?
As de 15.000,net nedich wêze soe foar bereiningsapparatuur
dan soe dat jild werom moatte nei de algemiene middels.
De hear Dotinaa ûnderskriuwt dit leste.
Hy wol earst yn'e ôfdieling prate oer benammen de
trochspuitapparatuerNeffens him kin it trochspuitsjen fan'e
drainaazje better útbestege wurde dan dat we it seis dogge.
Frou Faber seit dat der al faak oer de minne tastân fan'e
sportfjilden praat is.
It is bekend dat dere nochal wat wedstriden Sflost wurde
moasten. Men betellet wol hier mar kin faak de fjilden net
brûke. Dat is fansels in minne saak.
Se hopet dat mei de ton dy't no beskikber is yndied 5 fjilden
opknapt wurde kinne. It is begrutlik dat dy ton yn 10 jier
ofskreaun wurde moat. Oan'e oare kant is it sa dat it echt
needsaaklik is dy 5 fjilden oan te pakken.
Dat it útstel net yn'e ôfdieling behannele is fynt hja spitich.
Fansels sil dizze simmertiid brûkt wurde om de fjilden op te
knappen en as it útstel no oanhalden wurde soe, soe dat
betsjutte kinne dat de skeppe pas folie letter de grûn yn kin.
It is wol in goede oplossing om dizze 5 strieminne fjilden oan
te pakken mar der binne mear fjilden dêr't de tastân net
florisant fan is. Hoe komt it yn'e takomst mei de oare fjilden?
Dat is de grutte soarch fan har fraksje.
De 10.000,dy't dêrfoar beskikber is is net sa folie.
By de behanneling fan'e foarjiersnota moat der neffens har goed
oer praat wurde. Der stiet 650.000,op'e begrutting foar
ûnderhâld oan sportfjilden en -akkommodaasjes. Se soe wolris
witte wolle wat foar post foar ekstra ûnderhâld der yn sit.
De hear Van den Bosch is der tige mei ynnommen dat der no wat
oan'e sportfjilden bart.
0035V 9