GEMEENTE BOARNSTERHIM
26. Utstel om meiwurking te wegerjen
foar it ferfangen fan de sintrale
ferwaarmingstsjettel yn'e bysûndere
basisskoalle "De Finne" yn
Aldeboarn.
Oan de gemeenteried.
Grou, 24 juny 1988.
It bestjoer fan de feriening foar protestants kristlik
basisûnderwiis yn Aldeboarn hat in oanfraach yntsjinne om op grûn
fan kêst 74 fan de Wet op it Basisûnderwiis meiwurking te ferlienen
foar it ferfangen fan de sintrale ferwaarmingstsjettel yn harren
bysundere basisskoalle "De Finne" yn Aldeboarn.
It bestjoer ljochtet ta, dat ien fan de beide oanwêzige
s.f.-tsjettels likernôch 18 jier âld is en fanwege lang gebrûk as
fersliten beskSge wurde moat.
Dêrtroch is ferfanging needsaaklik, sa is it skoallebestjoer fan
betinken.
Nei oanlieding fan it boppesteande merke wy op, dat neffens de
Londo-noarmen de termyn fan ferfanging foar in s.f.-tsjettel 20 jier
is.
Yn'e skoalle stiet in ts jettel fan it merk "Remeha gas 4" boujier
1971.
De tsjettel is dus 17 jier âld.
Ut in globale ynspeksje fan'e kant fan de gemeente hat bliken dien,
dat de tsjettel uterlik der noch ridlik goed útsjocht. Yn 1987 hat
it bestjoer foar eigen rekken wizigings yn'e ynstallaasje oanbringe
litten en is in nije regelapparatuer pleatst. De direkteur fan de
skoalle is fan betinken, dat dy apparatuer net goed funksjonearret.
Neffens it rapport fan F.I.B. Swart B.V. te Ljouwert, dat wy by it
skoallebestjoer opfrege hawwe - it rapport leit by de riedsstikken
op besjen - hat de tsjettel in leech rendemint (likernôch 67,6%).
Datoangeande jout it gemeentlik gasbedriuw, dat dêr ek in ûndersyk
nei ynsteld hat, in rendemint oan fan 74,8% by in ófstelde belesting
fan 50,8 kw.
De fabryksmjittige opjefte yn dat ferbân jout by in nije tsjettel in
rendemint oan fan likernoch 77% by in belesting fan 78 kw.
Neffens it gasbedriuw is de netto-kapasiteit foar in saneamde
F.R.-tsjettel (ferbetterd rendemint) ûngefear 80%.
Nei ús betinken moat de tsjettel op'e nij ôfsteld wurde, wylst in
weromfal fan likernoch 3% yn 17 jier mar in bytsje is.
It is min te sizzen of de hjoeddeiske tsjettel noch 1 of 5 jier
brûkt wurde kin. Sa't it him no oansjen lit, hoecht de tsjettel net
ferfongen te wurden, mar is it op'e nij of stellen fan de tsjettel
nedich.
0034V