-15-
Fan J.B.J. wurdt de maksimum subsydzje ferwachte. J.B.J. seit
altiten foarriedich subsydzje ta en jouwe it pas echt as de
oaren it ek echt dogge.
Yn Boarn is J.B.J. sawat klear en se sille no oan'e gong yn
Reduzum. De foarrige kluster hat yndied nochal wat lang duorre
mar dat hie der ek mei te krijen dat se it hiel goed dwaan
woene. It leit wol yn'e ferwachting dat it mei dizze saak wat
flugger giet.
It is in goede saak dat der in behearsstichting foarme is dy't
fansels ek in eksploitaasje-opset meitsje sil.
Se tinkt dat it no net it momint is dat tefolle foarútrûn wurdt
op de ûntjouwing fan in fierdere gearwurking tusken de twa
groepen ek romtelik besjoen. Mei dit útstel wurdt ôfwûgen oft de
reserves brûkt wurde sille foar it doel dêr't se foar bestimd
binne.
Frou Watzema freget oft de behearsstichting ek troch de rie
goedkard is.
Se freget mei klam dat der, as der in wiziging yn de finan-
siering komt it útstel op'e nij yn de rie te besjen.
Hoe reëel is de kans dat it útfieren troch J.B.J. slagget.
De hear Van der Baan is ûngerêst om't der noch gjin wissichheid
is oer in tal subsydzjes. Hy wol dat earst de saak, ek wat de
subsydzje oanbelanget, run is, ear't de rie hjiroer beslút. Ek
de reserves moatte earst frij makke wurde.
Frou A. Ziilstra freget oft se goed begrepen hat dat wethalder
Bloem noch wol war dwaan wol de beide lokaasje byelkoar te
bringen. Dêrneist freget se oft it net sa wêze kin dat we aanst
mei in behearsstichting sitte dy't de eksploitaasje net run
krije kin.
Wethalder Bloem seit dat de eksploitaasje gjin ûnderdiel fan'e
stichting fan dit nije gebou útmakket. It delsetten fan it gebou
is mei dit útstel run.
As groepen harren organisearje troch it oprjochtsjen fan in
behearsstichting hoecht dat net yn'e rie besluten te wurden.
It hie ek wol sa wêze kind dat der, om't it om twa groepen
jongeren giet, ek twa stichtingen west wiene.
Se is bliid dat dat net sa is. As in subsydzje weifalt as leger
wurdt sil se it útstel op'e nij yn'e rie bringe, om't dan it
totaalplaatsje net mear kloppet.
Troch gebrûk te meitsjen fan J.B.J. is der in mooglikheid de
gemeentlike bydrage te beheinen tot 140.000,
It is wol reëel dat J.B.J. slagget, allinne de fraach is wol op
hokfoar termyn om't it bart dat guon jongelju wurk krije yn
tuskentiid.
It is in logyske saak om de reserves te brûken foar dit projekt.
It is ek net ûnbekind dat net mei de âlde jeugdherberch fierder
gien wurde sil. It is technysk best mooglik de akkommodaasje sa
te meitsjen dat fan twa sealen ien gruttenien makke wurdt. It is
ôfhinklik fan de gearwurking tusken de Poask en de Vrijplaats
oft dat ek barre sil.
Vervolgens wordt zonder hoofdelijke stemming conform het
voorstel besloten. De heer Van der Baan wil geacht worden te
hebben tegengestemd.
0039V
