-6-
Hy fynt it spitich dat der gjin sosjale wentebou plak fine sil,
mar hy ferwachtet dat der troch it nije plan dochs wat
troch-streaming komt yn'e hiersektor.
De hear Volberda seit dat syn fraksje it plan stypje kin. Hy is
bliid dat der no yn Wergea foarútgong is. It hat him nij dien
dat yn'e ôfdielingsgearkomste groepen minsken elkoar
tsjinsprutsen.
Hy is der net sa botte wis fan dat de wurkgelegenheid by de
Frico safolle weromrinne sil.
De Wergeasters kinne hast allegearre bliuwe en sa't it no liket
giet ek noch de hiele bûterproduksje nei Wergea.
As it útwreidingsplan op in oare hoeke kaam te lizzen wiene der
wierskynlik gjin beswieren west.
De hear Van der Baan seit dat hy yn'e ôfdielingsgearkomste
oanhikke hat tsjin it feit oft it no wol it goede momint is om
mei dit bestimmingsplan útein te setten. Oan'e oare kant binne
der lûden te hearren dy't betrouwen jouwe dat de Frico yn Wergea
in minder swarte takomst temjitte giet. Fandêr dat der dochs op
dit stuit saken dien wurde moatte.
It helberheidsûndersyk dat by it bestimmingsplan heart nimt hy
foar kundskip oan. It bestimmingsplan moat letter beoardiele
wurde oan'e han fan in eksploitaasje-opset, dy't net perfoast
slutend hoecht te wezen mar de rie moat wil sicht halde op hoe't
it ferrin wêze sil.
Mei it plan dat der no is moat wol foarsichtich omgong wurde yn
safier dat de belangen fan'e minsken dy't der tsjinoan wenje net
ûndersnije moatte.
Hy ferwachtet dan ek dat der in goede wikselwurking wêze sil
tusken de befolking en it gemeentebestjoer.
Wethalder Breeuwsma is wol ynnommen mei de réaksje út'e rie.
It is de bedoeling dat it plan yn fases útfierd wurde sil. Der
wurdt dus net mear in hiel strjitteplan oanlein. It
bestimmingsplan wurdt oanlein op ien stik lân en dat moat
fansels wol yn ien kear oankocht wurde.
Yn'e ofdieling is al opmurken dat der relatyf in protte wenten
yn'e wetenwetsfear binne. It is fansels altiten mooglik wentewet-
wenten te bouwen mar dan moat de rie wol in kredyt dêrfoar
beskikber stelle.
Der bliuwt tusken wat no de râne fan it doarp is en it nije
bestimmingsplan noch in behoarlike grienstreek oer.
Hy is bliid dat de hear Van der Baan der no hiel oars oer tinkt
as yn'e ofdielingsgearkomste.
De hear Nieuwdam seit dat it goed is te witten dat der foar
Wergea op dit stuit de kar makke wurdt gjin wenten yn'e sosjale
sfear te bouwen.
By oare bestimmingsplannen sil hyltiten wer besjoen wurde moatte
oft der keazen wurdt foar in finansjeel tekoart en wenten yn'e
sosjale sfear of dat de eksploitaasje kostendekkend wurdt.
De hear S. Bouma tinkt dat it feiliger foar it plan as gehiel is
dat earst in diel fan'e grûn oankocht wurdt en dat der in opsje
op de rest nommen wurdt foar lettere jierren.
Wethalder Breeuwsma seit dat it giet om 3 ha lân foar
120.000,
As der in lytser part oankocht wurde soe binne de kosten al gau
ƒ7,de kantemeter. Sa't it no dien is, is neffens him de
beste keap.
0040V 6